The news is by your side.

Advertisement

اقتصادی سروے رپورٹ: معاشی ترقی کی شرح پونے چھ فیصد سے زائد

اسلام آباد: رواں مالی سال کی اقتصادی سروے رپورٹ آج جاری کی جائے گی۔ رپورٹ کے مطابق معاشی ترقی کی شرح پونے چھ فیصد سے زائد رہی۔

تفصیلات کے مطابق اقتصادی سروے کے اعداد و شمار اے آر وائی نیوز نے حاصل کرلیے۔

سروے کے مطابق اقتصادی ترقی کی شرح 5.4 فیصد رہی، شرح نمو مقررہ ہدف سے کم رہی تاہم ترقی کی شرح 11 سال کی بلند ترین سطح پر ہے۔

سروے کے مطابق خدمات میں ترقی کی شرح 6.43 رہی۔ گزشتہ سال ترقی کی شرح 6.4 فیصد رہی تھی۔ فنانس اور انشورنس میں ترقی کی شرح 6.13 فیصد رہی جبکہ رواں سال کا ہدف 9.5 فیصد تھا۔

اقتصادی سروے کے مطابق ہاؤسنگ شعبے میں ترقی کی شرح 4 فیصد رہی۔ اقتصادی سروے ٹرانسپورٹ میں ترقی کی شرح 3.58 فیصد رہی۔ کمیونیکشن میں 5.1 فیصد ترقی کی شرح رہی جبکہ ہول سیل ریٹ ٹریڈ میں 7.51 فیصد اضافہ ہوا۔

اے آر وائی نیوز کو موصول دستاویز کے مطابق فی کس آمدنی 1 لاکھ 80 ہزار 204 روپے رہی۔ گزشتہ سال فی کس آمدنی 1 لاکھ 62 ہزار 230 روپے تھی۔

زرعت میں 3.81 فیصد اضافہ ہوا، فصلوں کی پیداوار میں اضافے کی شرح 3.57 فیصد رہی۔ رواں سال زراعت کا ہدف 2 فیصد مقرر کیا گیا تھا۔

سروے کے مطابق چاول کی پیداوارمیں 8.7، گنے کی پیداوار میں 7.4 فیصد، کپاس میں 11.8 اور گندم کی پیداوار میں 4.4 فیصد اضافہ ہوا۔

دوسری جانب مکئی کی پیداوار میں 7.1 فیصد کمی ہوئی اور لائیو اسٹاک میں ترقی کی شرح 3.7 فیصد رہی۔

اقتصادی سروے کے مطابق فشری میں ترقی کی شرح 1.63 اور صنعتی سیکٹر میں ترقی کی شرح 5.8 فیصد رہی۔ مینو فیکچرنگ میں ترقی کی شرح 6.13 اور سیمنٹ سیکٹر میں ترقی کی شرح 12 فیصد رہی۔

پیٹرولیم مصنوعات میں 10.26 فیصد، گیس اور بجلی میں 1.84 فیصد اضافہ ہوا جبکہ تعمیرات میں ترقی کی شرح 9.13 فیصد رہی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں