The news is by your side.

‘جنیوا میں پاکستان کے لئے فنڈز کے اعلانات تو ہوگئے لیکن رقم ملنے میں2 سے 3 سال لگیں گے’

اسلام آباد : ماہر معاشیات ڈاکٹر اشفاق حسن کا کہنا ہے کہ جنیوا میں پاکستان کیلئے فنڈز کے اعلانات ہونا ایک چیز ہےپیسےمل جانا دوسری چیز ہے، رقم ملنے میں دوسےتین سال لگیں گے۔

تفصیلات کے مطابق ماہر معاشیات ڈاکٹراشفاق حسن نے اے آر وائی نیوز کے پروگرام دی رپورٹرز میں گفتگو کرتے ہوئے کہا کہ ملک میں اشیا خوردو نوش بہت زیادہ مہنگی ہوگئی ہیں، جس سے غریب عوام شدید پریشان ہیں۔

ڈاکٹراشفاق حسن کا کہنا تھا کہ اشیا خورونوش کی قیمتوں سے مڈل کلاس بھی شدید متاثر ہے، ہم مہنگائی سےاب مہنگائی پلس میں چلے گئے ہیں، ایک کتاب میں ہے جب حکومت اشتہارات کا سہارا لےتو سمجھو اس نے کچھ نہیں کیا، جب آپ نے کوئی اچھا کام کیا ہوتا تو اشتہارات کی ضرورت نہ ہوتی، حکومت نے اچھاکام کیا ہو تو عوام کو خود ہی نظر آجاتا ہے۔

ماہر معاشیات نے بتایا کہ اکتوبر کے زلزلے میں بھی عالمی برادری کی جانب سے اعلانات کیے گئے، صرف اعلانات ہونا ایک چیز ہے پیسے مل جانا دوسری چیز ہے، اعلانات ہوگئے لیکن رقم ملنے میں2 سے 3 سال لگیں گے۔

ان کا کہنا تھا کہ اے ڈی بی ہرسال پاکستان کیلئےاعلانات کرتا ہے لیکن رقم دینے میں وقت لگتا ہے ، اعلانات ہوگئےاس کا مطلب یہ نہیں کہ کل ہی رقم مل جائے گی۔

Comments

یہ بھی پڑھیں