اسلام آباد: الیکشن کمیشن آف پاکستان نے مسلم لیگ ن کے نااہل صدر کو تبدیل کرنے کے لیے نوٹس جاری کرتے ہوئے کہا ہےکہ پارٹی کا صدر منتخب کرکے جلد آگاہ کیا جائے۔
تفصیلات کے مطابق الیکشن کمیشن آف پاکستان نے مسلم لیگ ن کو نوٹس جاری کرتے ہوئے ہدایت کی ہے کہ پارٹی کا صدر منتخب کرکے جلد آگاہ کیا جائے۔
الیکشن کمیشن کا کہنا ہے کہ پولیٹیکل پارٹیزایکٹ 2002کےتحت نااہل شخص عہدہ نہیں رکھ سکتا اورمنشورکےتحت ہفتےسےزائد پارٹی صدارت کاعہدہ خالی نہیں رکھا جا سکتا۔
پاناما کیس: وزیراعظم نوازشریف نا اہل قرار
خیال رہے کہ گزشتہ ماہ سپریم کورٹ آف پاکستان کے پانچ رکنی بنچ نے پاناما لیکس کے تاریخ ساز مقدمے کا فیصلہ سناتے ہوئے وزیراعظم نواز شریف کو نا اہل قرار دیا تھا اور کہا تھا کہ نوازشریف صادق اورامین نہیں رہے۔
اداروں سے ٹکراؤ نہیں چاہتا، سازش بے نقاب کروں گا، نوازشریف
یاد رہے کہ گزشتہ ہفتےنوازشریف نے کہا تھا کہ قانون کی حکمرانی پر یقین رکھتا ہوں اور اداروں سے ٹکراؤ کا حامی نہیں اس لیے عدالتی فیصلہ تسلیم کیا،مجھے علم ہے میرے ساتھ کیا ہونے والا ہے، نااہلی فیصلے کے پیچھے چھپی سازش جلد عوام کے سامنے لاؤں گا۔
واضح رہےسابق وزیراعظم نوازشریف کل صبح نو بجے براستہ جی ٹی روڈ ریلی کی شکل میں لاہور روانہ ہوں گے۔
