The news is by your side.

Advertisement

آخری تاریخ گزر گئی، کس سیاست دان نے اثاثوں کی تفصیلات جمع نہیں‌ کرائیں

اسلام آباد: آخری تاریخ گزر گئی، لیکن تینوں‌ ایوانوں‌ کے 331 اراکین نے اثاثوں کی تفصیلات جمع نہیں‌ کرائیں۔

تفصیلات کے مطابق ممبران قومی اور صوبائی اسمبلی اور سینیٹ کے اثاثوں کی تفصیلات جمع کرانے کی آخری تاریخ 31 دسمبر تھی، جن ممبران نے اثاثوں کی تفصیلات جمع نہیں کرائیں ان کی رکنیت 16 جنوری کو معطل کر دی جائے گی۔

الیکشن کمیشن نے اثاثوں کی تفصیلات جمع نہ کرانے والے پارلیمنٹیرینز اور صوبائی ارکان کو آخری موقع دے دیا ہے، الیکشن کمیشن کا کہنا ہے کہ 15 جنوری تک تفصیلات جمع نہ کرائی گئیں تو رکنیت معطل ہوگی۔

اب تک قومی اسمبلی کے 240 ممبران، سینیٹ سے 83، پنجاب اسمبلی سے 244، سندھ اسمبلی سے 137، کے پی اسمبلی سے 105، اور بلوچستان اسمبلی سے 51 ارکان نے تفصیلات جمع کرائی ہیں۔

الیکشن کمیشن کے مطابق اب تک 331 ممبران قومی اور صوبائی اسمبلی اور سینیٹ نے اثاثوں کی تفصیلات جمع نہیں کرائیں، جن میں سینیٹ کے 17، قومی اسمبلی کے 102، پنجاب اسمبلی کے 127، سندھ اسمبلی کے 31، خیبر پختون خوا اسمبلی کے 40 اور بلوچستان اسمبلی کے 14 ممبران شامل ہیں۔

جن اراکین نے اثاثوں کی تفصیلات جمع نہیں کرائیں ان میں وزیر اعلیٰ پنجاب عثمان بزدار، وزیر اعلیٰ خیبر پختون خوا محمود خان، وفاقی وزرا فواد چوہدری، نور الحق قادری، شفقت محمود، فہمیدہ مرزا، حماد اظہر، فروغ نسیم، فرخ حبیب، ڈپٹی اسپیکر قومی اسمبلی قاسم خان سوری، سینیٹر رضا ربانی، اور شاہد خاقان عباسی بھی شامل ہیں۔

مصدق ملک، مولا بخش چانڈیو، سینیٹر تاج حیدر، انوار الحق کاکڑ، محمد علی شاہ جاموٹ، سکندر میندرو، سیف اللہ ابڑو، انور لال دین، لیاقت خان تراکئی، محمد عبدالقادر، پرنس احمد عمر، سعید احمد ہاشمی اور دنیش کمار نے بھی اثاثوں کی تفصیلات جمع نہیں کرائیں۔

اراکین پارلیمان: کس نے کتنا ٹیکس ادا کیا؟

نور عالم خان، راجہ پرویز اشرف، طاہر صادق، چوہدری فرخ الطاف، خرم دستگیر، حبیب، محسن رانجھا، راجہ ریاض، قاسم نون، رضا ربانی کھر، سردار محمد بخش مہر، خواجہ شیراز محمود، عامر لیاقت حسین، نواب زادہ شاہ زین بگٹی، خالد مقبول صدیقی، اور اختر مینگل نے بھی اثاثوں کی تفصیلات جمع نہیں کرائیں۔

عائشہ رجب، شزہ فاطمہ خواجہ، مائزہ حمید، کنول شوزب، عائشہ غوث پاشا، شاندانہ گلزار، حنا ربانی کھر، نفیسہ خٹک، رکن پنجاب اسمبلی بلال فاروق تاررڑ، فیصل حیات، بلال یاسین، سردار اویس لغاری، سید صمصام بخاری، عظمیٰ بخاری بھی اثاثوں کی تفصیلات جمع نہ کرانے والوں میں شامل ہیں۔

رکن سندھ اسمبلی آغا سراج درانی، علی گو ہر مہر، فردوس شمعیم نقوی، شہرام خان، امجد خان آفریدی، بلوچستان اسمبلی کے سردار یار محمد، سردار رحمان کیتھران نے بھی اثاثوں کی تفصیلات الیکشن کمشن میں جمع نہیں کرائیں۔

Comments

یہ بھی پڑھیں