تازہ ترین

الیکشن کمیشن آف پاکستان نے اراکین پارلیمنٹ کے اثاثوں کی تفصیلات طلب کرلیں

اسلام آباد: الیکشن کمیشن آف پاکستان (ای سی پی) نے اراکین پارلیمنٹ سے اثاثوں کی تفصیلات طلب کرلیں۔

اے آر وائی نیوز کی رپورٹ کے مطابق الیکشن کمیشن آف پاکستان کی جانب سے ارکان پارلیمنٹ سے 2019 اور 2020 کے اثاثوں کی تفصیلات طلب کی گئیں ہیں۔

ای سی پی نے اراکین کو ہدایت کی ہے کہ اثاثوں کی تفصیلات جمع کرانے کی آخری تاریخ 31 دسمبر ہے لہذا تمام پارلیمنٹ ممبران مقررہ تاریخ سے قبل تفصیلات جمع کرادیں۔

الیکشن کمیشن کی جانب سے جاری کردہ اعلامیے میں بتایا گیا ہے کہ مقررہ تاریخ تک اثاثوں کی تفصلات جمع نہ کروانے والے رکن کی رکنیت معطل کر دی جائے گی۔

مزید پڑھیں: الیکشن کمیشن کی جانب سے ارکان اسمبلی کے اثاثوں کی تفصیلات جاری

یاد رہے کہ اس سے قبل الیکشن کمیشن نے 2019 میں بھی اراکین پارلیمنٹ سے اثاثوں کی تفصیلات طلب کیں تھیں، مقررہ تاریخ تک کوائف جمع نہ کرنے والے 200 سے زائد اراکین پارلیمنٹ کی رکنیت معطل بھی گئی تھی۔

جن اراکین کی رکنیت معطل کی گئی تھی اُن میں پیپلزپارٹی کے چیئرمین بلاول بھٹو زرداری، سابق صدر اور پی پی کے شریک چیئرمین آصف علی زرداری، موجودہ وزیر تعلیم شفقت محمود، وزیر برائے ماحولیات زرتاج گل سمیت دیگر اراکین شامل تھے۔

رکنیت معطل ہونے کے بعد تمام اراکین نے اپنے اثاثوں کی تفصیلات الیکشن کمیشن میں جمع کرادی تھیں جس کے بعد انہیں بحال کردیا گیا تھا۔

Comments

- Advertisement -