اسلام اباد : الیکشن کمیشن 24گھنٹے کے بعد بھی سابق وزیراعظم عمران خان کی نااہلی کا تفصیلی فیصلہ جاری نہ کرسکا۔
تفصیلات کے مطابق الیکشن کمیشن نے عمران خان نااہلی کیس میں پھرتیاں دیکھاتے ہوئے پہلے ایک ممبر کے دستخط کے بغیرنااہلی کیس کا فیصلہ سنادیا۔
24گھنٹے ہونے کوہیں،الیکشن کمیشن نے تاحال تفصیلی فیصلہ جاری نہیں کیا ، الیکشن کمیشن کی جانب سے کیس کا فیصلہ 19ستمبر کو محفوظ کیا گیا تھا۔
سوال یہ ہے کہ الیکشن کمیشن نے اگرتفصیلی فیصلہ نہیں لکھا تھا توسنانے کی جلدی کیا تھی؟
گذشتہ روز ذرائع الیکشن کمیشن کی جانب سے کہا گیا تھا کہ عمران خان کی نااہلی کا مکمل تفصیلی فیصلہ جاری نہیں کیا جا سکا، فیصلے کے کچھ حصے جاری کیے گئے۔
الیکشن کمیشن نے بتایا تھا کہ فیصلےپرممبرپنجاب کےدستخط موجودنہیں، ممبر پنجاب بابرحسن بھرواناکی طبیعت ناسازہے، ممبرپنجاب کے دستخط کے بعد فیصلہ جاری کیا جائے گا۔
