The news is by your side.

Advertisement

الیکشن کمیشن کا بلدیاتی انتخابات میں فوج تعینات کرنے کا فیصلہ

لاہور: الیکشن کمیشن آف پاکستان نے بلدیاتی انتخابات کے دوسرے مرحلےکے لئے حساس پولنگ اسٹیشنوں پرفوج طلب کرلی، جبکہ تینوں مراحل کے ملتوی ہونے والے انتخابات چودہ دسمبرکو کروائے جائیں گے۔

چیف الیکشن کمشنر جسٹس (ر) سردار محمد رضا خان کی زیر صدارت لاہور میں منعقد ہونے والے اجلاس میں پنجاب کے صوبائی اورضلعی  حکام شریک ہوئے۔

الیکشن کمیشن کے اجلاس میں حساس پولنگ اسٹیشنوں پرگشت کے لئے فوج طلب کرنے کا فیصلہ کیا گیا۔


سندھ، پنجاب میں بلدیاتی الیکشن کادوسرا مرحلہ 19نومبرکو ہوگا


پولنگ کے بعد نتائج کے وقت ممکنہ جھگڑوں سے نمٹنے کیلئے اضافی فوج ریزرو کے طور پر موجود رہے گی۔

اجلاس میں یہ بھی فیصلہ کیا گیا کہ تینوں مراحل کے ملتوی ہونے والے انتخابات 14 دسمبر کو منعقد کرائے جائیں گے۔

اس موقع پر سیکرٹری الیکشن کمیشن کا کہنا تھا کہ انتخابی ضابطہ اخلاق پرسختی سے عمل درآمد کرایا جائے گا۔

الیکشن کمیشن نے یہ بھی طے کیا کہ تینوں مراحل کے کامیاب امیدواروں کے نوٹیفیکیشن جاری ہونے کے بعد بالواسطہ انتخابات کا مرحلہ مکمل کیا جائے گا۔

Print Friendly, PDF & Email

Comments

comments

یہ بھی پڑھیں