The news is by your side.

Advertisement

قانون پر پورا نہ اترنے والی 278 سیاسی جماعتوں کی رجسٹریشن ختم

اسلام آباد: الیکشن کمیشن آف پاکستان نے سیاسی جماعتوں کی فہرست جاری کردی، چھانٹی کے بعد ملک میں سیاسی جماعتوں کی تعداد نصف سے بھی کم رہ گئی۔

تفصیلات کے مطابق الیکشن کمیشن آف پاکستان نے قانون کے تقاضے پورا نہ کرنے والی سیاسی جماعتوں کی چھانٹی کردی ہے، نئی لسٹ کے مطابق ملک میں اب رجسٹرڈ سیاسی جماعتوں کی تعداد 122 رہ گئی ہے۔

الیکشن کمیشن آف پاکستان کی جانب سے جاری کردہ نئی فہرست  میں 278 سیاسی جماعتوں کو رجسٹریشن کی فہرست سے خارج کردیا گیا ہے ، اس سے قبل ملک میں رجسٹرڈ سیاسی  جماعتوں کی تعداد 400 تھی ۔

یاد رہے کہ یہ تعداد پوری دنیا میں سب سے زیادہ ہے اور پاکستان سے کہیں زیادہ آبادی والے ممالک میں بھی اتنی سیاسی جماعتیں رجسٹرڈ نہیں ہیں۔

ذرائع کا کہنا ہے کہ الیکشن کمیشن آف پاکستان نے رجسٹریشن کے لیے دو لاکھ روپے فیس اور کم از کم دو ہزار رجسٹرڈ کارکنان کی تفصیلات طلب کی تھیں، جو جماعتیں قواعد پر پوری نہیں اتریں۔ ان کی رجسٹریشن خارج کی گئی ہے۔

الیکشن کمیشن کی جانب سے جارہ کردہ فہرست دیکھنے کے لیے کلک کریں

ملک کی تمام مرکزی جماعتیں، جن میں پاکستان تحریک انصاف، مسلم لیگ ن، پیپلز پارٹی، ایم کیوایم، ایم ایم اے، مسلم لیگ ق، اے این پی، مہاجر قومی موومنٹ اور جماعت اسلامی اپنی رجسٹریشن قائم رکھنے میں با آسانی کامیاب رہی ہیں۔

یہ نوٹی فکیشن الیکشن ایکٹ 2017 کے سیکشن 202(2) کے تحت جاری کیا گیا ہے اور متاثرہ سیاسی جماعتیں ڈی لسٹنگ کے تیس دن کے اندر عدالت سے رجوع کرسکتی ہیں۔

Comments

comments

یہ بھی پڑھیں