The news is by your side.

Advertisement

وزیراعلی سندھ مراد علی شاہ کو بڑا ریلیف مل گیا

اسلام آباد : الیکشن کمیشن آف پاکستان نے وزیراعلی سندھ مراد علی شاہ کے خلاف کارروائی کی درخواست خارج کر دی، مراد علی شاہ پر ضمنی انتخاب میں ضابطہ اخلاق کی خلاف ورزی کاالزام تھا۔

تفصیلات کے مطابق وزیراعلی سندھ مراد علی شاہ کو الیکشن کمیشن سے بڑا ریلیف مل گیا، الیکشن کمیشن میں ممبر پنجاب الطاف قریشی کی سربراہی میں دو رکنی کمیشن نے وزیراعلی سندھ مراد علی شاہ کے خلاف کارروائی کی درخواست پر سماعت کی۔

سماعت میں الیکشن کمیشن نے مراد علی شاہ کے خلاف کارروائی کی درخواست خارج کر دی، درخواست پی ٹی آئی رہنما حلیم عادل شیخ کی عدم پیروی پر خارج کی۔

وزیراعلی سندھ پر این اے دو سو پانچ گھوٹکی کے ضمنی الیکشن میں ضابطہ اخلاق کی خلاف ورزی کا الزام تھا اور حلیم عادل شیخ نے سعید غنی سمیت دیگر وزراء کیخلاف بھی کارروائی کی استدعا کر رکھی تھی۔

مزید پڑھیں : پی ٹی آئی نے مراد علی شاہ کے خلاف الیکشن کمیشن میں درخواست دائر کردی

یاد رہے رواں سال جولائی میں پی ٹی آئی نے وزیر اعلیٰ سندھ سید مراد علی شاہ کیخلاف گھوٹکی میں سرکاری مشینری استعمال کرنے کے الزام میں ان کے خلاف الیکشن کمیشن میں درخواست جمع کراوائی تھی۔

درخواست میں کہا گیا تھا مراد علی شاہ نے اپنے اس عمل سے الیکشن کمیشن پربراہ راست اثر انداز ہونے کی کوشش کی ہے، ضابطہ اخلاق کے تحت حکومتی افراد الیکشن پراثرانداز نہیں ہوسکتے، لہٰذا ان کیخلاف مؤثر کارروائی کی جائے۔

Comments

comments

یہ بھی پڑھیں