site
stats
پاکستان

الیکشن کمیشن نے راولپنڈی کے میئر کو نا اہل قرار دے دیا

اسلام آباد: انتخابی عمل پر اثر انداز ہونے کے جرم میں الیکشن کمیشن نے میئر راولپنڈی سردار نسیم کو نا اہل قرار دے دیا۔

تفصیلات کے مطابق الیکشن کمیشن آف پاکستان نے راولپنڈی کے میئر سردار نسیم کو نا اہل قرار دے دیا۔ سردار نسیم پر انتخابی عمل پر اثر انداز ہونے کا الزام ثابت ہوچکا ہے۔

چیف الیکشن کمشنر جسٹس ریٹائرڈ سردار رضا کی سربراہی میں الیکشن کمیشن کے 5 رکنی بینچ نے میئر راولپنڈی سردار نسیم کے خلاف دائر 2 درخواستوں پر فیصلہ سنایا۔ یہ درخواستیں راولپنڈی کی جنرل کونسلرز طاہرہ تنویر اور لبنیٰ اقبال نے دائر کی تھیں۔

درخواستوں پر سردار نسیم پر مخصوص نشستوں کے الیکشن کے دوران انتخابی عمل پر اثرانداز ہونے کا الزام لگایا گیا تھا۔ سنہ 1998 میں سپریم کورٹ پر حملہ کرنے کو بھی درخواست میں بنیاد بنایا گیا تھا۔

الیکشن کمیشن نے گزشتہ سماعت پر فیصلہ محفوظ کیا تھا جس کے بعد آج بینچ نے مذکورہ درخواستیں منظور کرلیں جس کے نتیجے میں میئر راولپنڈی سردار نسیم نا اہل ہوگئے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top