site
stats
پاکستان

الیکشن کمیشن بروقت فیصلے کرنے میں ناکام رہا، خورشید شاہ

سکھر: اپوزیشن لیڈر خورشید شاہ کا کہنا ہے کہ الیکشن کمیشن آف پاکستان کے ممبران بروقت فیصلے نہیں لے سکے، اپنے وجود کا جواز کھوچکے ہیں۔

تفصیلات کے مطابق پیپلز پارٹی کے رہنما اور قائد حزبِ اختلاف نے میڈیا کے نمائندوں سے گفتگو کرتے ہوئے کہا ہے کہ الیکشن کمیشن بلدیاتی انتخابات میں برقت فیصلے نہیں کرسکا۔

خورشید شاہ نے اپنے تحفظات کا اظہار کرتے ہوئے کہا کہ عدلیہ کے تمام تر فیصلوں کا احترام کرتے ہیں تاہم انتخابات کے شیڈول کے اعلان کے بعد عدالتی فیصلے نافذ العمل نہیں ہوتے۔

قائد حزبِ اختلاف نے یہ بھی کہا کہ الیکشن کمیشن کے ممبران اپننے غلط فیصلوں اورتحریکِ انصاف کے سربراہ عمران خان کی جانب سے عائد کردہ الزامات کے سبب متنازعہ حیثیت اختیار کرچکے ہیں۔

انہوں نے یہ بھی کہا کہ الیکشن کمیشن کے ممبران کو کام کرنے کا اخلاقی اختیار حاصل نہیں رہا لہذا وہ اپنا سامان سمیٹیں اورگھرجائیں۔

واضح رہے کہ گزشتہ روز عدالتِ عظمیٰ نے سندھ میں متنازعہ حلقہ بندیوں کے حوالےسے فیصلہ دیتے ہوئے الیکشن کمیشن آف پاکستان کو مذکورہ حلقوں میں انتخابات کا انعقاد کرانے یا نا کرانے کا اختیار تفویض کیا تھا۔

عدالتی فیصلے کے بعد الیکشن کمیشن آف پاکستان نےایک ہنگامی اجلاس طلب کیا جس میں سندھ کی 81 یوسیز اور پانچ میونسپل کمیٹیوں کے انتخابات معطل کردئیے گئے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top