The news is by your side.

Advertisement

مریم نواز کی بطور نائب صدر تقرری : ن لیگ وکلا کو پٹیشن کی کاپی فراہم کرنےکی ہدایت

اسلام آباد : مریم نواز کو ن لیگ کی نائب صدارت سے ہٹانے کی درخواست پر الیکشن کمیشن نے ن لیگ کے وکلا کو پٹیشن کی کاپی فراہم کرنےکی ہدایت کرتے ہوئے کہا آئندہ سماعت پر مریم نواز اور شہباز شریف اپنا جواب جمع کرائیں۔

تفصیلات کے مطابق مسلم لیگ (ن )کی نائب صدر مریم نواز کے خلاف تحریک انصاف کی درخواست پر سماعت چیف الیکشن کمشنر سردار محمد رضا کی سربراہی میں تین رکنی کمیشن نے کی ۔

دور ان سماعت درخواست گزار ملیکہ بخاری کے وکیل حسن مان اور مریم نواز کی طرف سے بیرسٹر ظفر اللہ خان الیکشن کمیشن کے سامنے پیش جبکہ پارٹی صدر شہباز شریف کے وکیل جہانگیر جدون بھی الیکشن کمیشن پیش ہوئے ۔

کمرہ عدالت میں حکمران جماعت کے پارلیمانی سیکریٹری فرخ حبیب میں موجود تھے ۔

ن لیگ اورمریم نوازکے وکیل نے الیکشن کمیشن سےدرخواست کی کاپی مانگ لی، ن لیگ کے وکیل موقف اختیار کیا کہ ابھی تک پٹیشن کی کاپی نہیں ملی، پٹیشن کی کاپی ملےگی توجواب جمع کرائیں گے۔

جس پر چیف الیکشن کمشنر نے پی ٹی آئی اے وکیل کو ہدایت کی کہ مریم نواز کے نائب صدر کا نوٹیفکیشن درخواست کے ساتھ ن لیگ کے وکیل کو فراہم کیا جائے۔

الیکشن کمیشن نے مسلم لیگ (ن)کو ہدایت کی کہ آئندہ سماعت پر مریم نواز اور شہباز شریف اپنا جواب جمع کرائیں، بعد ازاں کیس کی سماعت 25 جون تک ملتوی کردی۔

یاد رہے مریم نواز کے خلاف درخواست تحریک انصاف کے اراکین قومی اسمبلی کی جانب سے دائر کی گئی تھی، جس میں بیرسٹر ملیکہ بخاری، میاں فرخ حبیب، جویریہ ظفر اور کنول شوذب درخواست گزاروں میں شامل تھے ۔

درخواست میں کہا گیا تھا کہ مریم نواز احتساب عدالت سے سزا یافتہ ہیں، احتساب عدالت نے ان کو عوامی عہدے کیلئے نااہل قرار دیا، پارٹی عہدہ نجی حیثیت کا حامل نہیں ہوتا۔

درخواست میں مریم نواز کی بطور نائب صدر تقرری کے نون لیگی فیصلے کو آئین و قانون سے متصادم قرار دیا گیا تھا۔

Comments

comments

یہ بھی پڑھیں