The news is by your side.

Advertisement

الیکشن کمیشن۔۔۔۔ یہ کام نہ کرے، سابق گورنر سندھ کی وارننگ

کراچی: سابق گورنر سندھ اور رہنما پی ٹی آئی عمران اسماعیل نے الیکشن کمیشن پر بڑا الزام عائد کردیا ہے۔

تفصیلات کے مطابق سماجی رابطے کی ویب سائٹ ٹوئٹر پر جاری بیان میں عمران اسماعیل نے کہا کہ سندھ کے بلدیاتی انتخابات میں ہمارا مقابلہ صرف پی پی سے نہیں سندھ پولیس،الیکشن کمیشن سے بھی ہے۔

انہوں نے الزام عائد کیا کہ پولیس سندھ بھر سے ہمارے امیدواروں کو اغوا کررہی ہے جبکہ الیکشن کمیشن ہمارے نامزد امیدواروں کے فارم مسترد کررہا ہے۔

یہ بھی پڑھیں: اسلام آباد میں بلدیاتی انتخابات ملتوی، عدالت کا حکم جاری

سابق گورنر سندھ کا کہنا تھا کہ ان جماعتوں سے شفاف انتخابات کی امید رکھیں؟ جو ایک وارڈ کی سیٹ پر ڈی سی ایس پی کو لگاکر لوگ اغوا کررہے ہیں۔

واضح رہے کہ پی ٹی آئی سندھ کی جانب سے بلدیاتی انتخابات کے پہلے مرحلے کے انعقاد پر مسلسل شکوک وشبہات کا اظہار کیا جارہا ہے۔

گذشتہ روز پی ٹی آئی رہنما حلیم عادل شیخ نے سانگھڑ میں انتخابی سامان رکشے پر لاد کر لیجانے کی ویڈیو شیئر کرتے ہوئے الیکشن کمیشن کو آڑے ہاتھوں لیا تھا۔

ویڈیو بیان میں اپوزیشن لیڈرسندھ اسمبلی حلیم عادل شیخ نے الزام عائد کیا تھا کہ سندھ کے تمام حلقوں سے ہمارے امیدواروں کو اغوا کیا جارہا ہے، جان بوجھ کر ہمارے امیدواروں کے فارم مسترد کئے جارہے ہیں جبکہ کئی علاقوں میں دھونس اور دھمکیوں کے باعث ہمارے امیدواروں کو دستبراری کا کہا جارہا ہے۔

Comments

یہ بھی پڑھیں