The news is by your side.

Advertisement

سیاسی جماعتوں کو بروقت انٹرا پارٹی انتخابات کرانے کا حکم جاری

اسلام آباد: الیکشن کمیشن آف پاکستان نے سیاسی جماعتوں کو بر وقت انٹرا پارٹی انتخابات کرانے کا حکم دے دیا ہے۔

تفصیلات کے مطابق سیاسی جماعتوں کے انٹرا پارٹی انتخابات کے معاملے پر ای سی پی نے تمام سیاسی جماعتوں کے سربراہان کو مراسلہ جاری کیا ہے۔

مراسلے میں الیکشن کمیشن نے کہا یہ مشاہدے میں آیا ہے کہ سیاسی جماعتیں بروقت پارٹی الیکشن نہیں کراتیں، بر وقت پارٹی الیکشن نہ کرانا قانون اور جماعتی دستور کی خلاف ورزی ہے۔

الیکشن کمیشن نے کہا کہ جب وقت گزر جاتا ہے تو پھر سیاسی جماعتوں کی جانب سے الیکشن کمیشن سے مہلت کے لیے درخواستیں کی جاتی ہیں، مراسلے میں ای سی پی نے حکم دیا کہ سیاسی جماعتیں مقررہ وقت کے اندر انٹرا پارٹی الیکشن یقینی بنائیں۔

مراسلے میں واضح کیا گیا کہ سیاسی جماعتیں ہر 5 سال کے اندر انٹرا پارٹی انتخابات کرانے کی پابند ہیں۔

‏’لگتا ہے الیکشن کمیشن اپوزیشن کا ہیڈکوارٹر بن گیا‘ ‏

واضح رہے کہ گزشتہ روز ایک پریس کانفرنس میں الیکشن کمیشن کی جانب سے الیکٹرانک ووٹنگ مشین پر اعتراضات پر رد عمل میں وفاقی وزیر اطلاعات نے قومی ادارے کو تنقید کا نشانہ بناتے ہوئے کہا تھا کہ ایسا لگتا ہے الیکشن کمیشن اپوزیشن کا ہیڈ کوارٹر بن گیا ہے اور چیف الیکشن کمشنر اپوزیشن کے ماؤتھ پیس کے طور پر کام کرنا چاہتے ہیں۔

Comments

یہ بھی پڑھیں