The news is by your side.

Advertisement

الیکشن کمیشن نے تحریک انصاف کے اثاثہ جات کی تفصیلات طلب کر لیں

اسلام آباد: الیکشن کمیشن نے غیر ملکی فنڈنگ کیس میں پاکستان تحریک انصاف کے تمام اکاﺅنٹس اور ہائیکورٹ کے حکم اعتناعی کی کاپی کی تفصیلات طلب کر لیں۔

تفصیلات کے مطابق تحریک انصاف کے خلاف دائر غیر ملکی فنڈنگ کیس کی سماعت کے دوران الیکشن کمیشن نے پی ٹی آئی سے فنڈ ریزنگ کیلئے استعمال ہونے والے تمام اکاﺅنٹس کی تفصیلات بمعہ ہائیکورٹ کے حکمِ امتناعی کی کاپی کے مانگ لی ہیں۔

ذرائع کا کہنا ہے کہ سماعت کے دوران الیکشن کمیشن کی جانب سے متنبہ کیا گیا ہے کہ اسلام آباد ہائیکورٹ کا فیصلہ نہ بھی آیا تو الیکشن کمیشن کی جانب سے ازخود کارروائی شروع کرد ی جائے گی، جس کے بعد سماعت 18جولائی تک ملتوی کردی گئی۔

سماعت کے بعد مدعی اکبر ایس بابر نے میڈیاکو بتایا کہ تحریکِ انصاف ہائیکورٹ کے حکمِ امتناعی کے پیچھے چھپی ہوئی ہے،اسلام آباد ہائی کورٹ میں معاملہ زیرِ التواء ہے اس لیے الیکشن کمیشن کے پاس اختیارات ہیں کہ کسی بھی سیاسی جماعت کے اثاثوں کی چھان بین کر سکتی ہے۔

یاد رہے نو ماہ قبل تحریک انصاف کے سابق رہنما اکبر ایس بابر نے الیکشن کمیشن میں تحریک انصاف کو غیر ملکی فنڈنگ ملنے کے خلاف کیس دائر کردیا تھا جس کے بعد تحریک انصاف نے اسلام آباد ہائیکورٹ سے حکم امتناعی حاصل کرلیا تھا۔

Print Friendly, PDF & Email

Comments

comments

یہ بھی پڑھیں