The news is by your side.

Advertisement

مسلم لیگ ن کی مبینہ فارن فنڈنگ کا معاملہ انکوائری کمیٹی کے سپرد

اسلام آباد : الیکشن کمیشن نے مسلم لیگ ن کی مبینہ فارن فنڈنگ کا معاملہ انکوائری کمیٹی کے سپرد کر تے ہوئے فریقین کو اکتیس جولائی کو کمیٹی کے سامنے پیش ہونے کی ہدایت کر دی۔

تفصیلات کے مطابق الیکشن کمیشن میں مسلم لیگ ن کے خلاف فارن فنڈنگ سے متعلق درخواست کی سماعت چیف الیکشن کمشنر سردار محمد رضا کی سربراہی میں تین رکنی کمیشن نے کی۔ ت

تحریک انصاف کی طرف سے وکیل فیصل چوہدری الیکشن کمیشن کے سامنے پیش ہوئے۔

الیکشن کمیشن نے مسلم لیگ ن کی مبینہ فارن فنڈنگ کا معاملہ انکوائری کمیٹی کے سپرد کرتے ہوئے فریقین کو اکتیس جولائی کو کمیٹی کے سامنے پیش ہونے کی ہدایت کر دی۔

تحریک انصاف کے وکیل فیصل چوہدری نے غیر رسمی گفتگو میں کہا کہ ن لیگ اور پیپلز پارٹی دونوں نے ممنوعہ فارن فنڈنگ کی مد میں الیکشن کمیشن سے غلط بیانی کی اور حقائق چھپائے، دونوں پارٹیوں نے بیرون ملک اپنے ناموں سے کمپنی رجسٹرڈ کی ہیں، جس کے ذریعے غیر ملکیوں سے فنڈنگ اکٹھی کی جاتی رہی ہے، حد تو یہ ہے کہ قانون کی صریحا خلاف ورزی کرتے ہوئے واجبات کے گوشوارے سربراہ کے دستخط کے بغیر جمع کروائے گئے۔

انہوں نے کہا کہ ن لیگ زبیر گل کے زریعے غیر ملکی حکومتوں سے معاملات طے کرتی رہی ہے اس بات کی تحقیقات ہونا ضروری ہے، دونوں پارٹیوں کے اثاثہ جات اور ذرائع آمدن سے متعلق حقائق سامنے لانا ضروری ہے۔

الیکشن کمیشن نے گزشتہ روز سماعت کے دوران پیپلز پارٹی سے متعلق مبینہ غیر ملکی فنڈنگ کا معاملہ بھی انکوائری کمیٹی بھیج دیا تھا۔

یاد رہے کہ پاکستان تحریک انصاف نے ن لیگ اور پیپلزپارٹی کے خلاف الیکشن کمیشن میں فارن فنڈنگنز کے حوالے سے کیسز دائر کئے تھے ، جس میں مؤقف اختیار کیا گیا تھا کہ ان دونوں بڑی جماعتوں نے بیرون ملک ممنوعہ ذرائع سے بھاری رقوم حاصل کیں اور کاغذات نامزدگی میں ان ذرائع کو بھی خفیہ رکھا گیا۔

دوسری جانب پی ٹی آئی کے رہنما فواد چوہدری نے ن لیگ،پی پی کے مالی معاملات کمیٹی کے سپرد کرنے کا خیرمقدم کرتے ہوئے کہا کہ الیکشن کمیشن کےفیصلے کاخیرمقدم کرتے ہیں، دونوں جماعتوں کی فنڈنگ میں بہت بڑے گھپلے ہیں۔

فواد چوہدری کا کہنا تھا کہ نواز شریف نے تو اپنی جماعت کو منی لانڈرنگ کیلئے استعمال کیا، اکاؤنٹس کی تفصیلات کے مطابق نوازشریف نے14کروڑ
ن لیگ کو دیے اور یہی 14کروڑن لیگ سے واپس بھی لے لئے، پیپلزپارٹی کے حالات بھی ن لیگ سے زیادہ مختلف نہیں، واشنگٹن میں سفارتخانے نے خطیر رقم بطور چندہ پی پی کو دی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں