The news is by your side.

Advertisement

الیکشن کمیشن کا پی ٹی آئی کا پولنگ کا وقت بڑھانے کا مطالبہ مسترد

اسلام آباد : الیکشن کمیشن نے پاکستان تحریک انصاف کا پولنگ کا وقت بڑھانے کا مطالبہ مسترد کردیا اور کہا پولنگ کے اوقات صبح 8 تا 5سے زیادہ نہیں بڑھا سکتے۔

تفصیلات کے مطابق الیکشن کمیشن آف پاکستان نے پاکستان تحریک انصاف کا پولنگ کا وقت بڑھانے کا مطالبہ مسترد کرتے ہوئے کہا پولنگ کا وقت قانون کے مطابق 8 گھنٹے مقرر ہے۔

الیکشن کمیشن حکام کا کہنا تھا کہ وقت بڑھانے کا اختیار کمیشن کا ہے فی الحال ضرورت نہیں، وقت میں انتہائی مجبوری اورضرورت کےتحت اضافہ کیا جاسکتا ہے۔

حکام نے کہا کہ پولنگ کے اوقات صبح 8 تا5 سے زیادہ نہیں بڑھا سکتے، پولنگ اسٹیشن میں موجود لوگ 5بجے کے بعد بھی ووٹ ڈال سکتے ہیں۔


مزید پڑھیں : پی ٹی آئی کاالیکشن کمیشن کو خط، پولنگ کا وقت بڑھانے کا مطالبہ


یاد رہے کہ گذشتہ روز پی ٹی آئی نے پولنگ کاوقت 5سےبڑھاکر8بجےتک کرنے کا مطالبہ کیا تھا اور عمران خان کی خصوصی ہدایت پر پارٹی کی جانب سے الیکشن کمیشن کی خط ارسال کیا گیا تھا۔

خط میں‌ مؤقف اختیار کیا گیا ہے کہ موسم گرما کی وجہ سے پولنگ کاوقت صبح 7 سے رات 8 بجے تک کیا جائے، گرمی کی وجہ سے پولنگ متاثر ہوگی، دوپہر کے وقت ٹرن آوٹ کم ہوتا ہے، جس کی وجہ سے الیکشن کی سرگرمی اثر انداز ہوگی۔

الیکشن کمیشن آف پاکستان کی جانب سے پی ٹی آئی کا خط موصول ہونے کی تصدیق کی گئی تھی۔.

اس سے قبل شیخ رشید کی جانب سے بھی پولنگ کا وقت بڑھانے کا مطالبہ سامنے آیا ہے، جب کہ فواد چوہدری نے بھی اپنی گذشتہ پریس کانفرنس میں پولنگ کے دورانیے میں‌ اضافہ کی مطالبہ کیا تھا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں