The news is by your side.

Advertisement

الیکشن کمیشن نےاین اے 122 میں ووٹوں کی منتقلی کا الزام مسترد کردیا

اسلام آباد: الیکشن کمیشن آف پاکستان نے قومی اسمبلی کے حلقہ این اے ایک سوبائیس کے ضمنی انتخاب میں ووٹوں کی منتقلی سے متعلق پی ٹی آئی کے الزمات مسترد کردیئےہیں۔

الیکشن کمیشن کے ترجمان کا کہنا ہے کہ تحریک انصاف کے نمائندوں کوعام انتخابات دوہزارتیرہ اورضمنی انتخابات کی ووٹرلسٹیں فراہم کیں تھیں۔

ترجمان الیکشن کمیشن کے مطابق دوہزار تیرہ میں این اے ایک سو بائیس میں رجسٹرڈ ووٹرز کی تعداد تین لاکھ چھبیس ہزار اٹھائیس تھی جبکہ ضمنی انتخاب میں یہ تعداد بڑھ کر تین لاکھ سینتالیس ہزارسات سو باسٹھ تھی، ووٹرز لسٹوں میں اکیس ہزارسات سو چونتیس ووٹرزکا اضافہ ہوا۔

ترجمان کا کہنا ہے کہ کسی بھی ووٹر کی مرضی کے بغیراس کا ووٹ منتقل نہیں ہوسکتا، الیکشن کمیشن کے پاس ووٹرزکی تبدیلی کا پورا ریکارڈ موجود ہے۔

Print Friendly, PDF & Email

Comments

comments

یہ بھی پڑھیں