The news is by your side.

Advertisement

ڈپٹی میئر کراچی کی خالی نشست پر الیکشن کا شیڈول جاری

کراچی: الیکشن کمیشن آف پاکستان نے ڈپٹی میئرکراچی کی نشست پر الیکشن کاشیڈول جاری کردیا۔

تفصیلات کے مطابق ڈپٹی میئرکراچی کی نشست پرالیکشن 18اپریل کوہوں گے جس میں بلدیہ عظمیٰ کراچی کی سٹی کونسل کے302 سے زائد ارکان حق رائےدہی استعمال کریں گے۔

الیکشن کمیشن اعلامیے کے مطابق ڈپٹی میئر کراچی کی نشست پرانتخاب لڑنے کے خواہش مند امیدوار 29 مارچ تک کاغذاتِ نامزدگی جمع کراسکتے ہیں۔ ڈپٹی میئر کراچی کی نشست ارشد وہرہ کی ناہلی کے بعد خالی ہوئی ہے۔

یاد رہے کہ الیکشن کمیشن آف پاکستان نے ایم کیو ایم پاکستان کی جانب سے دائر کردہ درخواست پر 13 مارچ کو فیصلہ سناتے ہوئے ارشد وہرہ کو نااہل قرار دیا تھا۔

الیکشن کمیشن نے فیصلے میں کہا تھا کہ کراچی کے ضلع وسطی کی یونین کونسل49 سے منتخب ہونے والے ارشد وہرہ کی نا اہلی پارٹی تبدیل کرنے کے سبب عمل میں لائی گئی۔

ارشد وہرہ اکتوبر 2017 میں ایم کیو ایم پاکستان چھوڑ کر پاک سرزمین پارٹی میں شامل ہوگئے تھے ، سیاسی جماعت تبدیل کرتے وقت وہ ڈپٹی میئر کراچی کے عہدے پر فائز تھے انہیں ایم کیو ایم کے بلدیا تی نمائندگان کے ووٹوں سے منتخب کیا گیا تھا۔

ایم کیو ایم پاکستان نے متعدد بار ارشد وہرہ سے عہدہ چھوڑنے کا مطالبہ کیا تھا البتہ انہوں نے صاف الفاظ میں انکار کردیا تھا جس کے بعد متحدہ نے الیکشن کمیشن میں درخواست دائر کرائی تھی۔

Comments

comments

یہ بھی پڑھیں