اسلام آباد: الیکشن کمیشن نے پنجاب کے عام انتخابات کا شیڈول جاری کر دیا۔
تفصیلات کے مطابق الیکشن کمیشن آف پاکستان نے صوبہ پنجاب میں عام انتخابات کا شیڈول جاری کر دیا ہے، اپیلیں جمع کرانے کے لیے 10 اپریل کی تاریخ مقرر کی گئی ہے اور 17 اپریل تک اپیلیں نمٹائی جائیں گی۔
الیکشن کمیشن کے شیڈول کے مطابق نظرثانی شدہ فہرست 18 اپریل کو جاری کی جائے گی، 19 اپریل کو امیدوار کاغذات واپس لے سکیں گے، جب کہ 20 اپریل کو انتخابی نشانات الاٹ کیے جائیں گے، اور انتخابات کے لیے پولنگ 14 مئی کو ہوگی۔
واضح رہے کہ الیکشن کمیشن نے کہا ہے کہ صوبہ پنجاب میں 14 مئی کو عام انتخابات کرانے سے متعلق سپریم کورٹ کے فیصلے پر من و عن عمل کیا جائے گا۔
الیکشن کمیشن کا 14 مئی کو پنجاب میں عام انتخابات کرانے کا فیصلہ
الیکشن کمیشن پنجاب کی نگراں حکومت سے رابطہ کر کے انتظامی اور سیکیورٹی معاملات پر مشاورت کرے گا، فنڈز کے حصول کے لیے بھی وزارت خزانہ سے رابطے کا فیصلہ کیا گیا ہے۔
