The news is by your side.

Advertisement

سندھ اور پنجاب میں بلدیاتی انتخابات، سیکیورٹی کیلئے حکمت عملی طے

اسلام آباد: سندھ اور پنجاب میں بلدیاتی اتخابات کی سیکیورٹی کے لئے حکمت عملی طے کر لی گئی۔

چیف الیکشن کمشنر کی صدارت میں ہونے والے الیکشن کمیشن کے اہم اجلاس میں سندھ اور پنجاب کے انسپکٹر جنرل پولیس نے یقین دہانی کرائی کہ انتخابی ضابطہ اخلاق پر عمل درآمد یقینی بنایا جائے گا۔

الیکشن کمیشن کو بتایا گیا کہ دونوں صوبوں میں انتخابات کے دوران سیکیورٹی کے فول پروف انتظامات کئے جا رہے ہیں اور تمام تیاریاں مکمل کی جارہی ہیں، صوبوں کی طرف سے الیکشن کمیشن کو یقین دہانی کرائی گئی ہے کہ بلدیاتی انتخابات میں سکیورٹی کے مسائل پیدا نہیں ہوں گے۔

سیکرٹری الیکشن کمیشن بابر یعقوب نے اجلاس کے بعد میڈیا کو بتایا کہ بلدیاتی انتخابات کے علاوہ ضمنی انتخابات کے حوالے سے بھی بات معاملات زیرِ غور لائے گئے اور صوبوں نے ہر طرح کی یقین دہانی کرائی ہے کہ الیکشن کمیشن کی مرضی کے بغیر تقرریاں اور تبادلے نہیں کرائے جائیں گے۔

ایک سوال پران کا کہنا تھا کہ وزیرِاعظم کی طرف سے کسان پیکج کے اعلان کیلئے الیکشن کمیشن کی طرف سے کوئی کلین چٹ نہیں دی گئی اور الیکشن کمیشن نے اس پر کوئی فیصلہ بھی نہیں کیا تاہم آئندہ دو روز تک الیکشن کمیشن اس پر غور کر سکتا ہے۔

Print Friendly, PDF & Email

Comments

comments

یہ بھی پڑھیں