The news is by your side.

توہین الیکشن کمیشن کیس: عمران خان کا جواب غیر تسلی بخش قرار، ذاتی حیثیت میں طلب

اسلام آباد : الیکشن کمیشن نے توہین الیکشن کمیشن وچیف الیکشن کمشنرکیس میں پی ٹی آئی عمران خان کا جواب غیرتسلی بخش قرار دے دیا۔

تفصیلات کے مطبق توہین الیکشن کمیشن وچیف الیکشن کمشنرکیس میں الیکشن کمیشن نے چیئرمین تحریک انصاف عمران خان کاجواب غیر تسلی بخش قرار دے دیا۔

الیکشن کمیشن نے عمران خان کو شوکاز نوٹس جاری کرتے ہوئے 27 ستمبر کو ذاتی حیثیت میں الیکشن کمیشن میں طلب کرلیا۔

الیکشن کمیشن نے اسد عمر اورت فوادچوہدری کا جواب بھی غیر تسلی بخش قرار دیا اور دونوں پی ٹی آئی رہنماؤں کوبھی شوکازنوٹس جاری کرتے ہوئے 27 ستمبر کو ذاتی حیثیت میں طلب کرلیا۔

گذشتہ روز چیئرمین تحریک انصاف عمران خان کی جانب سے توہین الیکشن کمیشن کیس پر جواب داخل کروایا گیا تھا، جس میں کہا گیا تھا کہ الیکشن کمیشن کے پاس یہ کیس سماعت کرنےکا اختیار نہیں لہذا نوٹسز واپس لئے جائیں۔

عمران خان نے الیکشن کمیشن کےکردار کےحوالےسے بھی تحفظات کرتے ہوئے کہا تھا کہ میری جانب سے توہین عدالت نہیں کی گئی۔

Comments

یہ بھی پڑھیں