The news is by your side.

Advertisement

تحریک انصاف کے 25 منحرف ارکان پنجاب اسمبلی نااہل ہوں گے یا نہیں ؟ فیصلہ کل سنایا جائے گا

اسلام آباد : پاکستان تحریک انصاف کے 25 منحرف ارکان پنجاب اسمبلی کے نااہلی ریفرنسز کا فیصلہ کل سنایا جائے گا۔

تفصیلات کے مطابق الیکشن کمیشن کل پاکستان تحریک انصاف کے 25 منحرف ارکان پنجاب اسمبلی کے نااہلی ریفرنسز کا محفوظ فیصلہ سنائے گا۔

الیکشن کمیشن نے پی ٹی آئی کے 25 منحرف ارکان پنجاب اسمبلی کے خلاف کیس کا منگل کو فیصلہ محفوظ کیا تھا۔

الیکشن کمیشن نے گزشتہ روز سپریم کورٹ کی طرف سے منحرف اراکین کے حوالے سے فیصلہ آنے پر عدالت سے فیصلے کی تصدیق شدہ کاپی حاصل کر کے لیے رجوع کیا تھا۔

اس سے قبل الیکشن کمیشن کا اہم اجلاس بھی منعقد ہوا، جس میں سپریم کورت فیصلے کا جائزہ لیا گیا تھا۔

یاد رہے دو روز قبل سماعت میں پی ٹی آئی نےکورئیر کمپنی کی اصل دستاویزالیکشن کمیشن کے سامنے رکھی جبکہ پی ٹی آئی وکیل بیرسٹرعلی ظفرنے جواب الجواب دلائل میں کہا کہ پارٹی پالیسی میڈیا پر دن رات چلتی ہے۔

یوکیل کا کہنا تھا کہ کم اپریل کو اجلاس میں پرویزالٰہی کو وزیراعلیٰ کا ووٹ دینے کا اعلان کیا گیا، پارلیمانی پارٹی اجلاس میں عمران خان نےپرویزالٰہی کے امیدوارہونے کا اعلان کیا،عمران خان کےفیصلے کی پارلیمانی پارٹی کے ارکان نے باقاعدہ منظوری دی،ایسے میں جب ووٹ کاسٹ ہوگیا تو اس کا نتیجہ ڈی سیٹنگ ہوگا۔

فریقین کے دلائل سننے کے بعد الیکشن کمیشن نے نااہلی سے متعلق فیصلہ محفوظ کیا تھا۔

Comments

یہ بھی پڑھیں