The news is by your side.

الیکشن کمیشن کی عدلیہ سے آر اوز اور ڈی آر اوز لینے کی سفارش

اسلام آباد: الیکشن کمیشن حکام نے عدلیہ سے آر اوز اور ڈی آر اوز لینے کی سفارش کر دی ہے۔

تفصیلات کے مطابق الیکشن کمیشن رواں ہفتے آر اوز اور ڈی آر اوز کی تقرری سے متعلق فیصلہ کرے گا، اس سلسلے میں عدلیہ سے خصوصی سفارش کی گئی ہے۔

ذرائع کا کہنا ہے کہ عدلیہ سے آر اوز لینے کی صورت میں الیکشن کمشنر چیف جسٹس سے ملاقات کریں گے، اور عدلیہ سے آر اوز نہ لینے کی صورت میں بیوروکریسی سے خدمات لی جائیں گی۔

ذرائع نے بتایا کہ الیکشن کمیشن نے بیوروکریسی سے گریڈ 17 سے اوپر کے افسران کی فہرستیں تیار کر لی ہیں۔

پنجاب کے الیکشن کی آر اوز کے علاوہ دیگر تیاریاں مکمل ہیں، پنجاب اسمبلی تحلیل ہونے کے بعد اپریل 2023 میں انتخابات ہوں گے۔

Comments

یہ بھی پڑھیں