The news is by your side.

Advertisement

مئی 2018 تک حلقہ بندیوں کی تمام تیاریاں مکمل کرلیں گے‘ سیکرٹری الیکشن کمیشن

اسلام آباد: سیکرٹری الیکشن کمیشن بابر یعقوب کا کہنا ہے کہ 3 مئی 2018 تک حلقہ بندیوں کی تمام تیاریاں مکمل کرلیں گے۔

تفصیلات کے مطابق اسلام آباد میں چیف الیکشن کمشنر کی زیرصدارت حلقہ بندیوں سے متعلق اہم اجلاس کے بعد میڈیا سے گفتگو کرتے ہوئے کہا کہ آئندہ انتخابات کی تاریخ کا اعلان ابھی نہیں کرسکتے۔

سیکرٹری الیکشن کمیشن نے کہا کہ الیکشن کی تیاریوں کا کام شروع کردیا اور حلقہ بندیوں سے متعلق 5 کمیٹیاں بھی مقرر کردی گئی ہیں۔

بابریعقوب نے کہا کہ اجلاس کے دوران آج سے ریونیو باڈیز کو منجمد کرنے کا فیصلہ کیا گیا اور 22 دسمبر سے انتخابات تک ریونیو باڈیز میں کوئی تبدیلی نہیں کی جاسکے گی۔

انہوں نے کہا کہ صوبائی حکومتوں اور محکمہ شماریات کو 10 جنوری تک نقشے اور مواد فراہم کرنے کا کہا ہے، اگر نقشے اور میٹریل جلد مل جاتے ہیں تو حلقہ بندیاں بھی پہلے ہوجائیں گی۔

سیکریٹری الیکشن کمیشن نے کہا کہ حساس پولنگ اسٹیشنز پرسی سی ٹی وی کمیرے لگائے جائیں گے اور کیمرے لگانے کے لیے حکومتیں اپنے وسائل استعمال کریں گی۔


اسلام آباد: الیکشن کمیشن میں حلقہ بندیوں سےمتعلق اہم اجلاس


خیال رہے کہ اس سے قبل الیکشن کمیشن میں چیف الیکشن کمشنر کی زیرصدارت اجلاس ہوا جس میں چاروں صوبائی چیف سیکرٹریز، چیئرمین نادرا، سیکرٹری شماریات، چاروں صوبائی الیکشن کمشنرز سمیت دیگرحکام نے شرکت کی۔

اجلاس میں انتخابی حلقہ بندیوں پرکام شروع کرنے کی حکمت عملی سمیت دیگر اہم امور پر تبادلہ خیال کیا گیا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں