site
stats
اہم ترین

کراچی : مرحوم عبدا لستار ایدھی کا سوئم آج میمن مسجد میں ہو گا

کراچی : خادم انسانیت مرحوم عبدالستار ایدھی کا سوئم آج کراچی کی میمن مسجد میں ہو گا،جس کے لیے سیکورٹی کے سخت انتظامات کیے گئے ہیں.

تفصیلات کےمطابق لوگوں کا سہارا بننے والے مولانا عبدالستار ایدھی کی رسم قل آج صبح ساڑھے 9سے 10بجے تک میمن مسجد میں ادا کی جائے گی جس کےلیے مسجد کے اطراف سکیورٹی کے سخت ترین انتظامات کیے گئے ہیں.

مسجد کے اطراف میں پولیس اور رینجرز کے دستے تعینات ہیں اور مسجد میں داخلے کےلیے واک تھرو گیٹس لگا دیے گئے ہیں،اس کے علاوہ خواتین کےلیے میٹھادار میں عبدا لستار ایدھی کی رہائش گاہ پر مرحوم کے ایصال ثواب کےلیے قرآن خوانی بھی کی جائے گی.

*کراچی: عبدالستار ایدھی قومی اعزازات کے ساتھ سپرد خاک، ہر آنکھ اشک بار

یاد رہے کہ گذشتہ روز پیکر انسانیت و فخرِ پاکستان عبد الستار ایدھی کو قومی اعزازت کے ساتھ سپرد خاک کردیا گیا،صدر مملکت،تینوں مسلح افواج کے سربراہان،چیئرمین سینیٹ،گورنر سندھ، وزیراعلیٰ پنجاب اور وزیراعلیٰ سندھ سمیت دیگر شخصیات نے نماز جنازہ میں شرکت کی تھی.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top