The news is by your side.

Advertisement

‘بازار، شادی ہال کھلے رہیں ، بسیں چلتی رہیں اوراسکول بند کریں یہ مناسب نہیں’

عمرکوٹ : وزیر تعلیم سندھ سردار علی شاہ کا کہنا ہے کہ بازار،شادی ہال کھلے رہیں بسیں چلتی رہیں اوراسکول بند کریں یہ مناسب نہیں، بچہ شادی میں اور مارکیٹ میں بھی تو جا سکتا ہے۔

تفصیلات کے مطابق وزیر تعلیم سندھ سردار علی شاہ نے عمرکوٹ میں میڈیا سے گفتگو کرتے ہوئے کہا سندھ میں ایسے 1400اسکول بند کیے جو فقط ریکارڈ میں موجود تھے، دیکھ رہےہیں اسکولوں کی منظوری کیسے دی گئی،رقم کیسی خرچ ہوگئی۔

اسکولوں کی بندش کے سوال پر سردارعلی شاہ کا کہنا تھا کہ بازار، شادی ہال کھلے رہیں بسیں چلتی رہیں اوراسکول بندکریں یہ مناسب نہیں، بچہ شادی میں اور مارکیٹ میں بھی تو جا سکتا ہے۔

وزیر تعلیم سندھ نے مزید کہا کہ محکمہ صحت کی کورونا سےمتعلق ایڈوائزری کی پابندی کریں گے۔

یاد رہے ہفتے کے روز وزیراعلیٰ سندھ کی زیر صدارت کرونا ٹاسک فورس کا اجلاس ہوا تھا ، جس میں متفقہ طور پر فیصلہ کیا گیا تھا کہ صوبے بھر میں اسکول کھلے رہیں گے اور تعلیمی سلسلہ جاری رہے گا۔

اجلاس میں تمام شادی ہالز، مارکیٹوں اور عوامی مقامات پر ماسک پہننا لازمی قرار دیتے ہوئے انتظامیہ کو ویکسی نیشن کارڈ کا ریکارڈ چیک کرنے کی ہدایت کی گئی تھی۔

وزیراعلیٰ سندھ کی زیر صدارت ہونے والے کرونا ٹاسک فورس اجلاس میں فیصلہ کیا گیا تھا کہ اومیکرون کیسز کی حقیقی تعداد معلوم کرنے کے لئے تمام سرکاری و نجی اسپتالوں کا سروے کیا جائے گا، سروے میں اسپتالوں کی گنجائش کا جائزہ لیا جائے گا۔

Comments

یہ بھی پڑھیں