دریائے سندھ پر کالا باغ تو ایک طرف بھاشا ڈیم بھی نہیں بن سکتا ، وزیرتعلیم سندھ
The news is by your side.

Advertisement

دریائے سندھ پر کالا باغ تو ایک طرف بھاشا ڈیم بھی نہیں بن سکتا ، وزیرتعلیم سندھ

کراچی : وزیرتعلیم سندھ سردارشاہ کا کہنا ہے کہ دریائے سندھ پر بھاشاڈیم سمیت کوئی بھی ڈیم نہیں بنے گا، میں اپنی بیٹی کو سرکاری اسکول میں تعلیم دلواؤں گا۔

تفصیلات کے مطابق وزیرتعلیم سندھ سردارشاہ نے سندھ اسمبلی میں خطاب کرتے ہوئے کہا محکمہ تعلیم کوجادوکی چھڑی سےٹھیک کرنا بس میں نہیں ، تعلیم کو بہتر کرنے کے لئے سب کو اپنا کردار ادا کرنا ہوگا.

وزیرتعلیم کا کہنا تھا کہ بچوں کے روشن مستقبل کیلئے ڈوبتی کشتی کو کنارے لگانا ہوگا، میں اپنی بیٹی کوسرکاری اسکول میں تعلیم دلواؤں گا، تعلیمی نظام کو سیاسی مصلحتوں سے ہٹ کر اون کرنا ہوگا۔

سردارشاہ نے کہا کہ مجھ سے تقریر کی امید کریں اداکاری نہیں کرتا، تہذیب ہماری پہچان ہے، ہم اس کو پرانا پاکستان کہتے ہیں،ایک ایک ایم پی اےذمہ داری اٹھالےتو168اسکول ٹھیک کرسکتے ہیں۔

ڈیموں کی تعمیر کے حوالے سے ان کا کہنا تھا کہ دریائے سندھ پر کالا باغ تو ایک طرف بھاشا ڈیم بھی نہیں بن سکتا، یہ ڈیم نہ قابل عمل ہے نہ ٹیکنیکل گراؤنڈ پر بہتر ہے، دریاؤں کا پانی بیچ دیا گیا، سسٹم میں پانی ہی نہیں، یہاں ریت اڑ رہی ہے اور آپ ڈیم بنانے چلے ہیں۔

وزیرتعلیم نے کہا زمینوں پرقبضےکی بات کی گئی مگرمنی بیگم کی زمین پرقبضہ بھول گئے، دو بھائیوں نے منی بیگم کی 16 ایکڑ زمین صرف بیانہ دے کر ہتھیالی۔

Comments

comments

یہ بھی پڑھیں