The news is by your side.

Advertisement

لاہورسمیت پنجاب بھر کے تعلیمی ادارے آج سے مرحلہ وار کھلنا شروع

لاہور : پنجاب میں تعلیمی ادارے آج سے مرحلہ وار کھلنا شروع ہوگئے، وزیرتعلیم نے کہا ہے کہ پہلے مرحلے میں 9ویں سے 12 ویں جماعت کے طلباء کو بلایا گیا ہے۔

تفصیلات کے مطابق کرونا کی دوسری لہر اور موسم تعطیلات کے بعد آج سے صوبائی دارالحکومت لاہور سمیت پنجاب بھر میں تعلیمی ادارے دوبارہ بحال ہونا شروع ہوگئے۔

پنجاب کے وزیر تعلیم مراد راس نے کہا ہے کہ طلبا کو متبادل دنوں میں تعلیمی اداروں میں بلانے کی اجازت دی گئی تاہم پہلے مرحلے میں 9 ویں سے 12 ویں جماعت کے طلبا کو بلایا گیا ہے۔

مراد راس نے کہا کہ ایک روز میں صرف پچاس فیصد طلبا کو آنے کی اجازت ہوگی جبکہ اساتذہ کو تعلیمی اداروں میں آنے کی اجازت دے دی گئی ہے۔

صوبائی وزیر تعلیم نے مزید کہا کہ اساتذہ اور طلبا کو احتیاطی تدابیر اور کرونا ایس او پیز پر مکمل عمل درآمد کرنے کا کہا گیا ہے۔

Comments

یہ بھی پڑھیں