The news is by your side.

پنجاب اور خیبر پختونخوا میں 10 روز بعد تمام تعلیمی ادارے دوبارہ کھل گئے

پشاور / لاہور : پنجاب اور خیبر پختونخوا میں 10 روز بعد تمام سرکاری اور نجی تعلیمی ادارے دوبارہ کھل گئے، بڑھتے کیسز کے باعث 6ستمبر کو تعلیمی ادارے بند کیے گئے تھے۔

تفصیلات کے مطابق پنجاب اور خیبر پختونخوا میں 10 روز بعد تدریسی سرگرمیاں بحال ہو گئیں اور تمام تعلیمی ادارے ایس اوپیز کے تحت کھل گئے، اسکول دوبارہ کھلنے پر بچوں، والدین اور اساتذہ نے خوشی کا اظہار کیا۔

پنجاب کے اسکولوں میں طلبہ کوروناایس اوپیزکے تحت کلاسوں میں پہنچے، تمام متعلقہ حکام سے کہا گیا ہے کہ وہ کورونا وائرس سے متعلقہ پابندیوں اور معیاری آپریٹنگ طریقہ کار (ایس او پیز) کے ساتھ ساتھ تمام تدریسی اور غیر تدریسی عملے اور طلباء کی 100 فیصد ویکسینیشن کو سختی سے یقینی بنائیں۔

دوسری جانب خیبر پختونخوا کے آٹھ اضلاع میں تعلیمی ادارے بھی یس او پیز کے تحت دوبارہ کھل گئے ہیں، ان اضلاع میں مردان،پشاور،ڈی آئی خان ،مالاکنڈ،صوابی،ہری پور ، ایبٹ آباد اور مانسہرہ شامل ہیں۔

اعلامیے میں کہا گیا ہے کہ 50 فیصد حاضری کے ساتھ تدریسی عمل جاری رہے گا۔

واضح رہے کہ پنجاب اور کے پی میں کوروناکیسز بڑھنے پر تعلیمی ادارے 6 سے 11 ستمبر تک بند کئے گئے تھے لیکن بعد ازاں نیشنل کمانڈ اینڈ آپریشن سینٹر (این سی او سی) نے اداروں کی بندش میں 15 ستمبر تک توسیع کر دی تھی اور چھٹیوں میں طلبہ کوکوروناویکسن لگوانےکی ہدایت کی گئی تھی۔

Comments

یہ بھی پڑھیں