مصر میں‌ کشتی الٹنے سے 29افراد ہلاک -
The news is by your side.

Advertisement

مصر میں‌ کشتی الٹنے سے 29افراد ہلاک

قاہرہ:مصر میں تارکین وطن کی ایک کشتی الٹنے سے 29 افراد ہلاک ہوگئے اور 150 کو بچالیا گیا، کشتی میں کئی سو افراد سوار تھے۔

مصر کے سرکاری میڈیا کے مطابق شام، لیبیا اور افریقی ممالک سے تعلق رکھنے والے کئی سو افراد کشتی میں سوار تھے اور ان میں سے150 افراد کو بچا لیا گیا ہے۔

اطلاعات کے مطابق یورپ پہنچنے کے خواہش مند افراد سے بھری ہوئی کشتی کفرالشیخ کے قریب ڈوبی ہے۔

مصری پانیوں میں کشتی ڈوبنے کا یہ واقعہ ایسے وقت میں پیش آیا جب یورپ کی بارڈر ایجنسی نے خبردار کیا تھا کہ یورپ آنے والے اکثر سفر مصری بندرگاہوں سے شروع ہو رہے ہیں۔

مصر کی وزارت صحت نے کہا ہے کہ ہلاک ہونے والوں میں سوڈانی اور دیگر افریقی قومیتوں کے لوگ شامل ہیں۔ابھی تک یہ واضح نہیں ہے کہ اس کشتی کے منزل کیا تھی۔ خیال کیا جاتا ہے کہ وہ شاید اٹلی کی طرف رواں دواں تھی۔

Comments

comments

یہ بھی پڑھیں