کرپٹو کرنسی کا ایک اور بڑا فراڈ سامنے آگیا جس میں صارفین سے لاکھوں ڈالرز ہتھیا لیے گئے۔
اس بار کرپٹوکرنسی کا اسکینڈل مصر میں سامنے آیا جہاں حکام نے 13 غیر ملکی شہریوں سمیت 29 افراد کو گرفتار کیا ہے جن پر ایک آن لائن کرپٹو کرنسی اسکینڈل چلانے کا الزام ہے۔
سرکاری میڈیا رپورٹ کے مطابق گرفتار ملزمان نے ہزاروں سرمایہ کاروں کو دھوک دیا ہے۔ اس نیٹ ورک نے معاشی بحران اور مہنگائی کے شکار ملک میں سرمایہ کاروں سے 6 لاکھ 20 ہزار امریکی ڈالرز لے کر جیت میں ڈال لیے۔
پراسیکیوشن سروس کی طرف سے جاری کردہ بیان میں کہا گیا کہ آن لائن پلیٹ فارم "ہاگ پول” جو اگست میں مقامی میڈیا کے مطابق شائع ہوا، نے کلائنٹس سے "دھوکا دہی کے ذریعے انہیں لالچ دے کر مالی فائدہ” پہنچانے کا وعدہ کیا تھا۔
مصر میں کریپٹو کرنسی کا استعمال غیر قانونی ہے جس پر قید کی سزا اور $325,000 تک جرمانہ ہو سکتا ہے۔ سرکاری روزنامہ الاحرام نے رپورٹ کیا کہ ہاگ پول نے فروری میں اچانک کام بند کر دیا اور رقم لے کر غائب ہو گئی۔
حکام نے بتایا کہ جب انہیں گرفتار کیا گیا تو نیٹ ورک "Riot” کے نام سے ایک نیا پلیٹ فارم شروع کرنے کا منصوبہ بنا رہا تھا۔
وزارت داخلہ نے کہا کہ 16 مصری اور "ایک ہی ملک کے 13 غیر ملکی شہری” جن کی شناخت نہیں ہو سکی، کو گرفتار کیا گیا ہے۔ حکام نے 95 موبائل فونز، 3,367 سم کارڈز اور 41 غیر ملکی بینک کارڈ بھی ضبط کیے ہیں۔
