The news is by your side.

Advertisement

مصر نے پاکستانی شہریوں کیلیے ویزے بند نہیں کیے، ترجمان

اسلام آباد: ترجمان دفتر خارجہ عائشہ فاروقی نے کہا ہے کہ مصر نے پاکستانی شہریوں کیلیے ویزوں کے اجرا پر پابندی عائدنہیں کی۔

تفصیلات کے مطابق ترجمان دفتر خارجہ نے مصر کی جانب سے پاکستانی شہریوں کو ویزہ نہ دینے سے متعلق خبروں کی تردید کرتے ہوئے واضح کیا ہے کہ قاہرہ حکومت نے پاکستانیوں کے ویزوں کے اجرا پر پابندی عائد نہیں کی۔

ترجمان نے بتایا کہ ویزے دینے سے انکار پر مبنی میڈیا رپورٹس دیکھی ہیں تاہم معلومات کے مطابق ویزوں پر پابندی عائدنہیں ہے۔

بعض میڈیا رپورٹس میں کہا گیا تھا کہ مصر نے پاکستانی صنعت کاروں اور شہریوں کو ویزے دینے سے انکار کردیا ہے، پاکستانی کاروباری شخصیات کے پاسپورٹ مصری سفارتخانے میں دو ماہ سے موجود ہیں جو واپس نہیں کیے جارہے۔

شائع ہونے والی خبروں میں کہا گیا تھا کہ متاثرین نے وزیر خارجہ شاہ محمود قریشی اور سیکرٹری خارجہ سے معاملے کا نوٹس لینے کی اپیل کی تھی۔

fb-share-icon0
Tweet 20

Comments

comments

یہ بھی پڑھیں