The news is by your side.

Advertisement

ٹاک شو کے دوران ماڈل نے اینکر کی درگت بنا ڈالی، ویڈیو وائرل

قاہرہ: ٹی وی ٹاک شوز کے درمیان میزبانوں اور مہمانوں کے درمیان جھگڑے ہونا کوئی نئی بات نہیں ہے، اسی طرح کا ایک واقعہ حال ہی میں پیش آیا جب مصری ماڈل نے براہ راست پروگرام میں میزبان کی پٹائی کر  ڈالی۔

تفصیلات کے  مطابق ٹی وی ٹاک شو کی براہ راست کوریج کے دوران بعض اوقات جھگڑے یا دیگر ناخوشگوار واقعات پیش آتے ہیں، اسٹوڈیو ہو یا پھر کسی شاہرہ پر منعقد ہونے والا شو اس طرح کے واقعات کہیں بھی رونما ہوسکتے ہیں۔

مصر کے نجی ٹیلی ویژن کے شو میں انتظامیہ کی جانب سے ماڈل کو بطور مہمان مدعو کیا گیا، میزبان نے سوالات کا سلسلہ شروع کیا تو انٹرویو خوشگوار ماحول نے جاری رہا مگر جب اینکر نے نجی زندگی سے متعلق سوال کیا تو خاتون یک دم  سیخ پا ہوئیں جس کے بعد دونوں کے  مابین تلخ کلامی شروع ہوئی۔

تلخ کلامی جاری تھی کہ اچانک خاتون ماڈل نے اپنی نشست سے کھڑے ہوکر اینکر کی درگت بنا ڈالی، حالات اس قدر کشیدہ ہوئے کہ انتظامیہ کو پولیس طلب کرنا پڑی۔

میزبان کی جانب سے سوالات پوچھنے کے بعد ماڈل نے سخت جواب دیا جس کے بعد دونوں میں تلخ کلامی ہوئی تو انتظامیہ نے شو کے دوران کئی بار نشریات بند کیں تاہم اس سارے واقعے کی فوٹیج فیس بک پر اپ لوڈ کی گئی جسے اب تک ہزاروں صارفین دیکھ چکے ہیں۔

ویڈیو دیکھیں


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں