قاہرہ: مصر کے جنوبی علاقے میں دو ریل گاڑیوں کے درمیان خوفناک تصادم ہوا جس کے نتیجے میں 32 مسافر جاں بحق جبکہ سیکڑوں زخمی ہوگئے۔
مصر کے وزارتِ صحت نے تصدیق کی کہ جنوبی صوبے سوہاگ کے ضلع تھاتا میں جمعے کے روز دو ریل گاڑیوں کے درمیان خوفناک تصادم ہوا، یہ مصر کی تاریخ کا خوفناک ترین حادثہ ہے۔
انہوں نے بتایا کہ دارالحکومت قائرہ سے 460 کلومیٹر دور واقعے علاقے میں مخالفت سمت سے آنے والی مسافر ٹرینیں آپس میں ٹکرا گئیں، جس کے نتیجے میں بڑے پیمانے پر تباہی ہوئی ہے۔وزارتِ صحت نے بتایا کہ حادثے کی وجہ سے دونوں ٹرینوں کے کئی ڈبے تباہ ہوگئے۔
Watch: Two passenger trains collided in southern #Egypt possibly causing casualties, a security source says, in the latest in a string of rail accidents to hit the country.https://t.co/o5VpOkGIa3 pic.twitter.com/8XAjuHLpk9
— Al Arabiya English (@AlArabiya_Eng) March 26, 2021
اُن کا کہنا تھا کہ حادثے میں اب تک 32 مسافر جاں بحق جبکہ 108 سے زائد زخمی ہوئے جنہیں طبی امداد کے لیے اسپتال منتقل کیا گیا ہے۔ محکمہ صحت کے حکام نے مزید ہلاکتوں کا خدشہ ظاہر کیا ہے کیونکہ متعدد زخمیوں کی حالت تشویشناک ہے۔
ریلوے حکام کے مطابق کسی نامعلوم شخص نے ٹرین کا ہنگامی بریک کھینچا جس کی وجہ سے سامنے سے آنے والی ریل گاڑی ٹکرائی اور پھر یہ افسوسناک سانحہ پیش آیا۔
حکام کے مطابق واقعے کی تحقیقات کے لیے کمیٹی قائم کردی ہے جو ذمہ داران کا تعین کرے گی۔
