The news is by your side.

Advertisement

مصری شہری کویت کیوں چھوڑ رہے ہیں؟

کویت سٹی: کویت میں مقیم ہزاروں مصری شہریوں نے مستقل طور پر ملک چھوڑنے اور واپس مصر منتقل ہونے کا ارادہ کرلیا ہے۔

کویتی میڈیا کے مطابق کویت میں کام کرنے والے ہزاروں مصریوں نے کرونا وائرس بحران کی وجہ سے مستقل طور پر ملک چھوڑنے کا ارادہ کرلیا ہے۔

سرکاری ذرائع کا کہنا ہے کہ مصری وزارت امیگریشن نے کویت میں مقیم ہزاروں مصریوں سے پوچھ گچھ کی ہے جنہوں نے مستقل طور پر وطن واپس آنے کی خواہش کا اظہار کیا ہے۔

ذرائع کے مطابق ان مصریوں نے مختلف طریقہ کاروں کے بارے میں پوچھا ہے خاص طور پر مصری شہری اپنے بچوں کو مصر کے اسکولوں اور یونیورسٹیوں میں منتقل کرنے سے متعلق پوچھ رہے ہیں۔

مصری شہریوں میں سے بہت سے لوگ اپنے وطن واپس آنے والوں کی مدد کرنے اور ان کے لیے بہترین فیصلے لینے میں مدد کرنے کے لیے وزارت کے اقدام میں حصہ لے رہے ہیں۔

ذرائع کا کہنا ہے کہ ہزاروں مصریوں نے کرونا وائرس کے آغاز سے ہی کویت کو مستقل طور پر چھوڑ دیا ہے اور توقع ہے کہ آئندہ مہینوں میں بھی یہ سلسلہ جاری رہے گا۔

ذرائع نے تصدیق کی ہے کہ وزارت واپس آنے والے شہریوں کی حمایت کرتی ہے اور مصر میں ان کے لیے کام کے مواقع فراہم کرنے اور ان کی مصری مارکیٹ میں سرمایہ کاری کرنے کی خواہاں ہے۔

دوسری جانب مصر میں ہزاروں پھنسے ہوئے افراد جنہیں منظور شدہ ویکسین دی جاچکی ہے، یکم اگست سے کویت میں اپنی ملازمتوں پر واپس آنے کی تیاری کر رہے ہیں۔

Comments

یہ بھی پڑھیں