کراچی اوپن اسکواش چیمپئن شپ 2022 کا میلہ مصری کھلاڑیوں نے لوٹ لیا۔
اے آر وائی نیوز کے مطابق کراچی اوپن اسکواش چیمپئن شپ مصری کھلاڑیوں کے نام رہی، کریم عبدالگواد مینز اور نور ابو لاما کریم ویمنز ایونٹ کی چیمپئن بن گئیں۔
مینز ایونٹ کے فائنل میں کریم عبدالگواد نے ہم وطن یوسف سلیمان کو تین صفر سے شکست دی۔
ویمنز فائنل میں ہانگ کانگ کی چن سن یک بدقسمت رہی اور زخمی ہوکر ریٹائرڈ ہرٹ ہوگئی جس کے سبب مصر کی نورا بولاماکریم چیمپئن بن گئیں۔
ایونٹ کی اختتامی تقریب میں اے آر وائی نیٹ ورک کے صدر اور سی ای او سلمان قبال، ڈی جی رینجرز میجر جنرل افتخار حسن، اسکواش لیجنڈ جہانگیر خان نے شرکت کی۔
تقریب کے مہمان خصوصی گورنر سندھ عمران اسماعیل نے فاتح کھلاڑیوں میں انعامات تقسیم کیے۔
The closing ceremony of the GFS #KarachiOpen #SquashChampionship 2022 was honored by Governor Sindh Mr. Imran Ismail, with Mr. Salman Iqbal (Group CEO ARY), Irfan Wahud (CEO GFS) and Mr. Jahangir Khan awarded to the winners and runners up of the event.
Keep watching #ASportsHD pic.twitter.com/8vl6I2Ft4P— ASports (@asportstvpk) March 19, 2022
پانچ دن تک جاری رہنے والے ایونٹ میں پاکستان، ہانگ کانگ، ملائیشیا، انگلینڈ اور امریکا سمیت کئی مختلف ممالک کے کھلاڑیوں نے شرکت کی۔
کراچی میں ہر دو سال بعد میگا ایونٹ کا اہتمام کریں گے، سلمان اقبال
تقریب سے خطاب کرتے ہوئے اے آر وائی نیٹ ورک کے صدر اور سی ای او سلمان اقبال نے کہا کہ اسکواش کے میچ اے اسپورٹس پر براہ راست دیکھ کر فخر محسوس ہوا۔
انہوں نے کہا کہ پاکستان خاص طور پر کراچی میں ہر دو سال بعد میگا ایونٹ کا اہتمام کریں گے، ٹاپ پرفارمرز کو اولمپکس کے لیے تیار کریں گے تاکہ وہ ملک کا نام روشن کرسکیں۔