The news is by your side.

Advertisement

پنجاب : احساس کفالت پروگرام کے تحت ایک ارب33کروڑ روپے تقسیم

لاہور : احساس کفالت پروگرام کے تحت دہاڑی دار طبقے میں رقم کی فراہمی کا آغاز کردیا گیا ہے، پہلے مرحلے میں ایک ارب33 کروڑ روپے تقسیم کیے گئے۔

تفصیلات کے مطابق لاہور میں چیف سیکریٹری پنجاب اعظم سلیمان خان کی زیرصدارت اجلاس ہوا، اجلاس کو ممبر بورڈ آف ریونیو کی جانب سے دی گئی بریفنگ میں بتایا گیا کہ احساس کفالت پروگرام کے تحت دہاڑی دار طبقے میں رقم کی تقسیم شروع کردی گئی ہے۔

اس حوالے سے پہلے مرحلے میں لاہور اور فیصل آباد کے علاوہ 34اضلاع میں رقم تقسیم کی گئی،ایک لاکھ سے زائد افراد میں12ہزار روپے فی کس تقسیم ہوئے، پروگرام کے تحت ایک ارب33کروڑ روپے تقسیم کیے گئے۔

لاہور، فیصل آباد میں رقم کی تقسیم دوسرے مرحلے میں ہوگی، رقم تقسیم کیلئے صوبےمیں450سینٹرز قائم کئے گئے ہیں، اجلاس میں فیصل آباد، ملتان، راولپنڈی میں بیرون ملک سے آنے والے مسافروں کو ٹھہرانے کا بھی جائزہ لیا گیا۔

چیف سیکر یٹری پنجاب نے بتایا کہ مسافروں کو کم ازکم ایک ہفتہ کیلئے ہوٹلوں میں ٹھہرایا جائے گا، اس عرصے میں مسافروں کی اسکریننگ اور ٹیسٹنگ کی جائے گی۔

Comments

یہ بھی پڑھیں