سعودی عرب، متحدہ عرب امارات اور خلیجی ممالک میں آج شوال کا چاند دیکھا جارہا ہے لیکن پاکستان اور ایشیائی ممالک سمیت بیشتر ریاستوں میں کل چاند دیکھنے کے انتظامات کیے جارہے ہیں۔
ترکیہ اور سنگاپور سمیت کچھ ممالک نے عید کے پہلے دن کا اعلان شوال کا چاند نظر آنے کا انتظار کرنے کے بجائے فلکیاتی حسابات کی بنیاد پر کیا ہے۔
شمالی افریقہ کے مسلم ملک مراکش اور خلیجی ملک عمان نے عیدالفطر 2026 سے متعلق اہم اعلانات کیے ہیں۔ مراکش کے ماہرین فلکیات کے مطابق اس سال جمعرات 19 مارچ کو شوال کا چاند نظر آنے کا امکان نہیں ہے۔
اس پیشگوئی کے مطابق مراکش کے عوام طویل عرصہ بعد ماہ رمضان کے 30 روزے رکھیں گے اور عیدالفطر ہفتہ 21 مارچ کو ہونے کا امکان ہے۔
عمان میں شوال کا چاند دیکھنے کے لیے مرکزی رویت ہلال کمیٹی کا اجلاس کل (جمعرات) 19 مارچ کو ہوگا۔ حکام نے ملک بھر کے شہریوں اور رہائشیوں سے کہا ہے کہ وہ ہلال کی تلاش کریں اور کسی بھی تصدیق شدہ نظر کی اطلاع متعلقہ کمیٹیوں کو دیں۔
جمعرات کو چاند دیکھنے والے ممالک
- پاکستان
- بنگلادیش
- بھارت
- انڈونیشیا
- ملائیشیا
- سنگاپور
- ایران
- عراق کے کچھ حصوں
- عمان
- اردن
- شام
- تیونس
- لیبیا
- مراکش
اے آر وائی نیوز کی ڈیجیٹل ڈیسک کی جانب سے شائع کی گئی خبریں