The news is by your side.

Advertisement

عید کے دوسرے روز بھی سنتِ ابراہیمی ادا کی جارہی ہے

کراچی: عید الاضحیٰ کے دوسرے روز بھی فرزندانِ توحید بڑی تعداد میں سنتِ ابراہیمی پر عمل کرتے ہوئے اپنے مویشی قربان کررہے ہیں‘ شہر قائد میں آلائشیں اٹھانے کا عمل سست روی کا شکار ہے۔

ملک بھر میں سنتِ ابراہیمی پر عمل درآمد کا سلسلہ جاری ہے جو لوگ جانور خرید چکے ہیں وہ قربانی کی سنت انجام دے رہے ہیں اور جو لوگ ابھی تک جانور نہیں خرید پائے وہ مویشی منڈیوں میں موجود ہیں۔

عید کے دوسرے دن مویشی منڈیوں میں جانوروں کے ریٹ مناسب حد تک گر چکے ہیں اور وہ لوگ جو بے تحاشہ مہنگائی کے سبب قربانی کا جانور خرید نے میں دشواری محسوس کررہے تھے‘ وہ با آسانی جانور خرید نے میں کامیاب ہورہے ہیں۔آج اور کل سنتِ ابراہیمی پر عمل درآمد کا سلسلہ جاری رہے گااور مسلمان اپنے رب کے حضور قربانی پیش کریں گے۔

اس عید الاضحیٰ پر بنانے کے لیے 5 مزیدار پکوان*

دوسری جانب عید کے دوسرے دن خواتین نے کچن سنبھال لیے اور عزیز و اقارب کی دعوتوں کا سلسلہ گزشتہ روز سے جاری ہے جو کہ کل تک جاری رہے گا۔ بچوں نے بھی عید کا تہوار جوش و خروش سے منانے کا تہیہ کررکھا ہے۔

کراچی سمیت ملک کے متعدد شہروں میں آلائشیں اٹھانے کا عمل انتہائی سست روی کا شکار ہے ۔ بالخصوص شہر قائد میں عید سے دو روز قبل ہونے والی طوفانی بارش کے جمع شدہ پانی کے سبب صورتحالِ انتہائی تشویش ناک ہے۔

بہت سے علاقے ایسے ہیں جن سے بارش کے پانی کی مکمل نکاسی نہیں ہوسکی ہے اور اس پانی میں خون اور آلائشیں شامل ہوکر شہر میں شدید تعفن کا سبب بن رہا ہے۔ طبی ماہرین کا کہنا ہے کہ اگر فی الفور شہر کی صفائی نہیں کی گئی تو مختلف اقسام کے جلدی اور وبائی امراض پھیل سکتے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں