عید الفطر کے موقع پر تمام شعبہ جات سے تعلق رکھنے والے مسلمان ایک دوسرے کو عید کی مبارک باد پیش کررہے ہیں، ماڈلز، فنکار اور کاروباری حضرات اپنے مداحوں کو عید الفطر کی مبارک باد کا پیغام پہنچانے کے لیے سماجی رابطوں کی ویب سائٹس پر عید کے موقع پر مسلمانوں کے نام پیغام بھیجیں ہیں۔
ٹیکنالوجی کے شعبے میں جدت آجانے کے باعث اب بیرون ملک میں وقت گزارنے والے افراد دنیا کے کسی بھی کونے میں بیٹھ کر اپنے مداحوں، دوستوں احباب سمیت تمام افراد کے سامنے اپنے جزبات کی عکاسی کرسکتے ہیں، انٹرنیٹ سے واقفیت اور سماجی رابطے کی ویب سائٹ کو استعمال کرتے ہوئے کھلاڑیوں نے اپنے مداحوں کو عید الفطر کے موقع پر خصوصی پیغام دیا ہے۔
معروف فٹبالر ’’لیونیل میسی‘‘ نے سماجی رابطے کی ویب سائٹ پر عید منانے والوں کے نام مبارک باد کا پیغام بھیجا ہے۔
We @messi10stats wish a very Happy Eid to all those celebrating! pic.twitter.com/9uBuwGe1UK
— Leo Messi (@messi10stats) July 6, 2016
پاکستانی معروف فاسٹ بولر اور سوئنگ کے بادشاہ وسیم اکرم نے عید کی مبارک باد پیش کرتے ہوئے لوگوں کو مشورہ دیا ہے کہ ’’اس سنہری موقع کے ہر مرحلے سے لطف اندوز ہوں اور اچھے طریقے سے عید گزاریں‘‘۔
Eid Mubarak all! Wishing everybody a safe, festive and happy year ahead. Don’t waste a single moment, be the best person you can be & enjoy — Wasim Akram (@wasimakramlive) July 6, 2016
سرلنکن کھلاڑی مہیلا جے وردھنا نے مسلمانوں کو عید کی مبارک باد دیتے ہوئے نیک خواہشات کا اظہار کیا ہے۔
EID MUBARAK ! to all of you. Have a blessed day. — Mahela Jayawardena (@MahelaJay) July 6, 2016
بھارتی کرکٹ بورڈ کی جانب سے ایک ویڈیو پیغام جاری کیا گیا ہے، جس میں انڈین بلے باز محمد شامی نے عید الفطر کی مبارک باد پیش کی اور کہا کہ ’’ خوشیاں بانٹتے رہیں اور ٹیم انڈیا کو سپورٹ کرتے رہیں‘‘۔
Here’s wishing everyone a very happy and peaceful Eid #EidMubarakhttps://t.co/mZKKvMH1ez — BCCI (@BCCI) July 6, 2016
سابق پاکستانی بلے باز اور معروف کمنٹیٹر رمیز راجہ نے عید الفطر کے موقع پر سب کو مبارک باد کا پیغام دیتے ہوئے اس امید کا اظہار کیا ہے کہ آنے والا سال سب کی توقعات کو پورا کرے اور خوشیوں کا سال ثابت ہو۔
A very happy Eid Mubarak to every one. Have a great day and a year ahead..May all your wishes come true.. — Ramiz Raja (@iramizraja) July 6, 2016
پاکستانی بلے باز اور سیلفی کنگ احمد شہزاد نے سماجی رابطے کی ویب سائٹ پر اپنے مداحوں اور اُن کے اہل خانہ کو عیدالفطر کی مبارکباد پیش کی ہے۔
Wishing u n ur family a very happy Eid-ul-Fitr — Ahmad Shahzad (@iamAhmadshahzad) July 6, 2016
پاکستانی لیگ اسپینر سعید اجمل نے عید الفطر کی مبارک باد پیش کرتے ہوئے کہا ہے کہ ’’یہ دن ہمارے لیے برکتوں کا دن ہے، تمام لوگوں کو یہ دن مبارک ہو‘‘۔
Eid Mubarak to all, may we all have blessed, happy and amazing day. Let’s not forget to support underprivileged kids and families — Saeed Ajmal (@REALsaeedajmal) July 6, 2016
پاکستانی بولنگ کوچ اظہر محمود نے عید الفطر کے مبارک موقع پر دعا کی ہے کہ’’ اللہ رب العزت ہماری رمضان المبارک کی عبادات کو قبول فرمائے، عید منانے والے افراد اپنے اردگرد رہنے والے کمزور اور مجبور افراد کو عید کی خوشیوں میں ضرور یاد رکھیں‘‘۔
Eid Mubarak to everyone. May Allah swt accept our Ibadah. So good 2c One Muslim and one Eid ! Have a blessed one. Remember the poor n needy — Azhar Mahmood (@AzharMahmood11) July 6, 2016
پاکستانی اوپنر محمد حفیظ نے عید الفطر کے موقع پر ویڈیو پیغام میں کہا ہے کہ ’’عید کا دن خوشیوں کا دن ہے، خوش رہیں اور خوشیاں بانٹیں، تمام مسلمانوں اور اہل وطن کو میری جانب سے بہت بہت عید مبارک‘‘۔
EID MUBARAK TO U ALL.. stay blessed always pic.twitter.com/paMiT3u3SY — Mohammad Hafeez (@MHafeez22) July 5, 2016
ٹیینس کھلاڑی اور شیعب ملک کی اہلیہ ثانیہ مرزا نے سماجی رابطے کی ویب سائٹ پر عید کی مبارک باد دیتے ہوئے کہا ہے ’’میں عید کے اس پر مسرت موقع پر لندن میں ہوں اور اپنے اہل و عیال کی کمی شدت سے محسوس ہورہی ہے، آپ لوگ بہت خوش نصیب ہیں کہ اپنے حلقہ احباب کے ساتھ عید الفطر کی خوشیوں میں شریک ہیں‘‘۔
Eid Mubarak everyone..All the way from London.Hope everyone celebrating has a great day with family and friends close to them❤️ I miss home — Sania Mirza (@MirzaSania) July 6, 2016
راولپنڈی ایکسپریس کا لقب پانے والے معروف پاکستانی فاسٹ بالر شیعب اختر نے بھی عید الفطر کے موقع پر مبارک باد پیش کی ہے۔
EID Mubarak to you all… — Shoaib Akhtar (@shoaib100mph) July 5, 2016
خواتین ٹی ٹوئنٹی کرکٹ کی کپتان بسمہ معروف نے بھی عید الفطر کے موقع پر مداحوں کو مبارک باد پیش کی اور اس امید کا اظہار کیا کہ ’’آج کا خاص دن ملک کے لیے امن لے کر آئے گا‘‘۔
Eid mubarak to everyone. May this special day bring peace, love and unity among us ! ❤ — Bismah Maroof (@maroof_bismah) July 6, 2016
