The news is by your side.

Advertisement

عیدالضحیٰ کب ہوگی؟ محکمہ موسمیات نے پیش گوئی کردی

کراچی: محکمہ موسمیات نے پیش گوئی کی ہے کہ 2 اگست کو ذوالحج کا چاند نظر آنے کے قوی امکانات ہیں۔

تفصیلات کے مطابق محکمہ موسمیات کراچی نے پیش گوئی کی ہے کہ 1440 ذوالحج کا چاند نظر آنے کے امکانات ہیں کیونکہ چاند کی پیدائش پہلی اگست کو مقامی وقت کے مطابق رات 8 بج کر 12 منٹ پر ہوگی۔

محکمہ موسمیات کے ترجمان کے مطابق 2 اگست ذوالحج کا چاند نظر آنے کے قوی امکانات ہیں کیونکہ چاند کی عمر 35 گھنٹے 29 منٹ ہوگی اور غروب آفتاب کے بعد اس کی رویت 53 منٹ تک ہوگی۔

محکمہ موسمیات کے مطابق ملک کے پیشتر حصوں میں جمعے کے روز مطلع جزوی ابر آلود رہے گا، یہ بھی بتایا گیا ہے کہ ملک بھر میں 12 اگست 2019 بروز منگل کو عید الضحیٰ مذہبی عقیدت و احترام کے ساتھ منائی جائے گی۔

یاد رہے کہ ذوالحج اسلامی سال کا آخری مہینہ ہے جس میں استطاعت رکھنے والے فرزندان اسلام فریضہ حج ادا کرتے جبکہ سنتِ ابراہیمی کو زندہ رکھتے ہوئے حکم خداوندی کے مطابق اپنے جانور بھی قربان کرتے ہیں۔

Comments

یہ بھی پڑھیں