سعودی عرب، مشرق وسطیٰ سمیت یورپ میں آج عیدالاضحیٰ منائی جارہی ہے -
The news is by your side.

Advertisement

سعودی عرب، مشرق وسطیٰ سمیت یورپ میں آج عیدالاضحیٰ منائی جارہی ہے

مکہ مکرمہ: سعودی عرب اور خلیجی ممالک سمیت مشرق وسطیٰ اور یورپ وامریکا میں عید الاضحیٰ مذہبی جوش وخروش کے ساتھ منائی جارہی ہے۔

تفصیلات کے مطابق سعودی عرب، متحدہ عرب امارات، ترکی اورعراق سمیت تمام خلیجی ممالک کے مسلمان آج عیدالاضحیٰ مذہبی جوش وخروش سے منا رہے ہیں۔

سعودی عرب میں عید کے بڑے اجتماعات مسجدالحرام اور مسجد نبوی میں ہوئے جہاں لاکھوں افراد نے عیدالاضحیٰ کی نماز ادا کی جبکہ مسلمان سنت ابراہیمی کی پیروی کرتے ہوئے قربانی کا فریضہ انجام دے رہے ہیں۔

دبئی میں نمازعید کا سب سے بڑا اجتماع شیخ زید مسجد ابوظہبی میں ہوا، فلسطین میں نماز عید کا بڑا اجتماع مسجد اقصی میں ہوا جبکہ انڈونیشیا میں نماز عید کا سب سے بڑا اجتماع جکارتا میں ہوا۔

عیدالاضحیٰ کی نماز کے اجتماعات میں اسلام کی سربلندی اور ملک کی سلامتی کے لیے خصوصی دعائیں مانگی گئیں۔

لاکھوں عازمین جمرات کبریٰ کو آج کنکریاں ماریں گے، حجاج کرام قربانی کے بعد سر منڈو ا کر احرام کھول دیں گے اورطواف زیارت کریں گے۔

امریکا، کینیڈا اور یورپی ممالک کے رہنے والے مسلمان بھی آج عید الضحیٰ منارہے ہیں، مسلم کمیونٹی سنیٹرز میں عید کی نماز اور قربانی کا اہتمام کیا گیا ہے۔

دوسری جانب پاکستان، بھارت اوربنگلا دیش میں عیدالاضحیٰ کل منائی جائے گی۔

Comments

comments

یہ بھی پڑھیں