تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

عید قرباں پر گوشت کھانے میں احتیاط کریں، ڈاکٹرز

کراچی : عیدِ قربان کے موقع پر زیادہ مقدار میں گوشت کھانے والوں کو ڈاکٹروں نے پہلے ہی خبردار کر دیا ہے کہ گوشت کے غیر ضروری استعمال سے معدے اور پیٹ کے امراض لاحق ہو سکتے ہیں، کھانے میں اتنی جلدی نہ مچائیں کہ ہسپتال جانا پڑ جائے.

ماہرین صحت کا کہنا ہے کہ عید پر گوشت کو دھونے کے بعد استعمال کرنا چاہیئے، گوشت کے ساتھ سبزیاں بھی کھائی جائیں تو متوازن غذا کی ضرورت پوری ہوجاتی ہے ۔ گوشت کے مرغن پکوانوں کے ساتھ کاربونیٹڈ مشروبات کا استعمال معدے کو اور بھی نقصان پہنچاتا ہے.

عید قرباں کی ایک خصوصیت یہ بھی ہے کہ لوگ سنت ابراہیمی کی ادا ئیگی کے بعد کئی دنوں تک قربانی کے گوشت سے بنے لذیذ اور چٹ پٹے کھانوں سے لطف اندوز ہو تے ہیں مگر یہی مرغن کھانے جب معمول بن جائیں توطبی مسائل پیداکرسکتے ہیں ۔

طبی ماہرین کے مطابق گوشت کھانے میں بے احتیاطی سے پیٹ کی خرابی اورمعدے میں تکلیف ہی نہیں ہائی بلڈ پریشرسمیت دیگر بیماریاں پیدا ہونے کا خطرہ ہوتا ہے۔

ڈاکٹر ارشاد پروفیسر آف میڈیسن کا کہنا ہے کہ بڑی عید پر بڑے مزے کرنے والے کچھ لوگ ایسے بھی ہیں جو قربانی کا گوشت ایسے کھاتے ہیں جیسے ایک دن میں پورا بیل ننھے سے معدے میں بھر لینا ہی ان کی زندگی کا مقصد ہے۔

ڈاکٹر عدنان راؤ کا کہنا ہے کہ ایک ورائٹی ان افراد کی بھی ہے جو بہت تیزی میں کھاتے ہیں یعنی ایک سانس میں سب بوٹیاں کھا جانے کے شوقین لوگ۔

ڈاکٹرسلمان کاظمی کا کہنا ہے کہ سب سے جذباتی افراد وہ ہیں جو گوشت کے ساتھ ساتھ ہڈی بھی نگل جاتے ہیں، پھر عید کا دن ہسپتال میں حلق میں پھنسی ہڈی نکلوانے میں گزارتے ہیں۔

ماہرین نے مشورہ دیا ہے کہ بلڈ پریشر اور امراضِ قلب کے شکار مریضوں کو بھی اعتدال برتنا چاہیے اور صحت مند افراد بھی قربانی کے گوشت کو اپنے معصوم پیٹ کی بجائے ریفریجریٹر میں محفوظ کریں۔

Comments

- Advertisement -