ملک بھر میں عیدالاضحیٰ آج منائی جارہی ہے -
The news is by your side.

Advertisement

ملک بھر میں عیدالاضحیٰ آج منائی جارہی ہے

کراچی : ملک بھرمیں عیدالاضحیٰ آج منائی جارہی ہے، نماز عید کی ادائیگی کے بعد جانور قربان کیے جارہےہیں.

ملک بھر میں نماز عید کے اجتماعات ہوئے، مساجد عیدگاہوں اور میدانوں میں فرزندان اسلام نے نمازِ عید ادا کی، ملک کی سلامتی کیلئے خصوصی دعائیں کی گئی، ارض وطن کے تحفظ کیلئے ہر قربانی کا عزم کیا گیا.

نمازِ عید کے خطباعات میں علمائے کرام نے سنت ابراہیمی کے فلسے کو بیان کیا اور ایثار و قربانی کے حقیقی جذبے کو اجاگر کیا، نماز کے اجتماعات کے موقع پر سیکیورٹی کے سخت انتظامات کئے گئے، پولیس اور قانون نافذ کرنے والے اداروں کے اہکار چوکس نظر آئے.

اسلام آباد میں عید کا سب سے بڑا اجتماع فیصل مسجد میں ہوا، جہاں غیر ملکی سفارت کاروں،سرکاری افسروں اور شہریوں کی بڑی تعداد نے نماز عید ادا کی ، دیگر بڑے اجتماعات ، لال مسجد اورگولڑہ شریف میں بھی ہوئے.

ملک بھر کی طرح کراچی میں بھی ہزاروں مقامات پر نماز کی ادائیگی کے بعد سنت ابراہیمی پر عمل کرتے ہوئے جانوروں کی قربانی کی جارہی ہے ۔ شہر قائد میں پانچ ہزار سے زائد مساجد ، امام بارگاہوں ، عید گاہوں اور کھلے مقامات پرعید الضحی کی نماز کے اجتماعات ہوئے، ان اجتماعات میں ملک میں ترقی و خوشحالی، امن و سلامتی کی خصوصی دعائیں مانگی گئیں، کراچی میں عیدکے بڑے اجتماعات گرومندر، بولٹن مارکیٹ، شاہ خراسان، کھارادر، عیدگاہ اور دیگر مقامات پر ہوئے جس میں شہریوں کی بڑی تعداد شریک ہوئی۔ اس موقع پر سیکیورٹی کے سخت انتظامات کیے گئے ہیں

لاہور میں نماز عید الاضحی کے اجتماع بادشاہی مسجد، مسجد وزیر خان ،جامعہ نعیمیہ، جامعتہ المنتظر، جامعہ اشرفیہ اور دیگر مقامات پر منعقد ہوئے۔عید الاضحی کا بڑا اجتماع بادشاہی مسجد میں ہوا جس میں ڈی سی او لاہور ڈاکٹر عثمان نے شرکت کی جبکہ سکیورٹی خدشات کے پیش نظر پہلی بار گورنر پنجاب نے بادشاہی مسجد میں نماز ادا کرنے کے بجائے گورنر ہاؤس میں نماز عید ادا کی، بادشاہی مسجد کے خطیب مولانا عبدالخبیر آزاد نے خطبہ عید ادا کیا اس موقع پر منی اور کرین حادثہ میں شہید ہونے والوں کی بلندی درجات ،اتحاد امت اور ملکی سلامتی اور خوشحالی کے لیے دعا کی گئی۔

Comments

comments

یہ بھی پڑھیں