The news is by your side.

Advertisement

کراچی کی بڑی مسجدوں اور عید گاہوں میں عید الفطر کی نماز کے اوقات

کراچی: شہر قائد کی نامور مسجدوں اور بڑی عید گاہوں میں عید الفطر کی نماز کب ادا کی جائے گی آئیے اس پر ایک نظر ڈالتے ہیں۔

تفصیلات کے مطابق کراچی کے علاقے سولجر بازار میں قائم مسجد خانقاہ قادریہ علیمہ میں عید الفطر کی نماز دس بجے ادا کی جائے گی، امامت کے فرائض جمعیت قادریہ کے سربراہ خطیب وسجادہ نشین ڈاکٹر صاحبزادہ فریدالدین قادری انجام دیں گے۔

نیو کراچی، سیکٹر F.5 بلاک 20 میں قائم جامع مسجد محمدی حنفیہ، دار العلوم معین الاسلام میں عید کی نماز ٹھیک 8:20 منٹ پر ادا کی جائے گی جبکہ امامت وخطابت کے فرائض مولانا محمد معروف اشرفی انجام دیں گے۔

علاوہ ازیں زمان ٹاؤن، کورنگی 4 سکٹر A-35 میں قائم جامع مسجد المصطفیٰ وعید گاہ میں عید کی نماز ٹھیک 8 بج کر 30 منٹ پر ادا کی جائے گی، امامت وخطابت کے فرائض مفتی سید زاہد سراج قادری انجام دیں گے۔

کراچی کے علاقے گلزار ہجری، A/13 میمن نگر میں قائم میمن مسجد میں عید الفطر کی نماز ٹھیک 8:00 بجے ادا کی جائے گی جبکہ خطیب وامام علامہ ڈاکٹر سید محمد وقاص ہوں گے۔

نیو کراچی، قبرستان روڈ میں واقع جامع مسجد گلزار حبیب میں عید کی نماز آٹھ بجے ادا کی جائے گی جہاں خصرت علامہ مولانا محمد زمان نورانی خطیب ہوں گے جبکہ جامع مسجد غوث پاک کینٹ اسٹیشن میں نماز عیدالفطر 7:45 پر ادا ہوگی، امام وخطیب مولانا سلیمان قاضی ہوں گے۔

گوٹھ ملیر میں مرکزی تاریخی عیدگاہ دارالعلوم مجددیہ نعیمیہ صاحبداد میں عید کی نماز 8 بجے ادا کی جائے گی، امامت وخطابت کے فرائض مفتئ اعظم سندھ مفتی محمد جان نعیمی ادا کریں گے جبکہ اصغر علی شاہ اسٹیڈیم نارتھ ناظم آباد میں عید کی نماز صبح آٹھ بجے ادا کی جائے گی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں