The news is by your side.

Advertisement

عیدالفطر کے سکیورٹی انتظامات مکمل : پولیس افسران کی ڈیوٹیاں لگ گئیں

اسلام آباد پولیس نے عیدالفطر کے لئے سکیورٹی انتظامات کو حتمی شکل دے دی ہے، عید کے دوران 1500 سے زائد پولیس افسران و جوان فرائض سر انجام دیں گے۔

رپورٹ کے مطابق1032مساجد، 28 امام بارگاہوں کیلئے نماز عید پر خصوصی سیکیورٹی انتظامات مکمل کرلیے گئے ہیں، عید کی چھٹیوں کے دوران اسپیشل پٹرولنگ پلان بھی تشکیل دے دیا گیا ہے۔

اس حوالے سے ترجمان پولیس کا کہنا ہے کہ پبلک مقامات، پارکس اور دیگر مقامات پراضافی نفری تعینات رہے گی، چھٹیوں کے دوران سیکٹرز میں گشت اور چیکنگ میں اضافہ کردیا گیا۔

ترجمان پولیس کے مطابق زونل افسران کو ہدایات جاری کی گئی ہیں کہ خود علاقوں میں موجود رہیں، ایس ایس پی آپریشنز تمام سکیورٹی انتظامات کی خود نگرانی کریں گے۔

ایمرجنسی میں فوری ریسپانڈ کیلئے سیف سٹی پر کنٹرول روم بھی قائم کردیے گئے ہیں، سیکٹرزکی گلیوں میں تعینات سیکیورٹی گارڈز کو بھی چیک اور بریف کیا جائے گا۔

ترجمان پولیس کا مزید کہنا ہے کہ اسلام آباد پولیس شہریوں کی جان و مال کے تحفظ کیلئے ہمہ وقت تیار ہے۔۔

Comments

یہ بھی پڑھیں