اسلام آباد: پاکستان میں پہلا روزہ اتوار 3 اپریل اورعید الفطر 3 مئی کو ہونے کا امکان ہے، آج ملک کے کئی علاقوں میں چاند آسانی سے دیکھا جا سکے گا۔
تفصیلات کے مطابق پاکستان میں میں آج رمضان کا چاند نظر آنے کے واضح امکانات ہیں ،جس کے بعد پہلاروزہ اتوار 3اپریل اورعیدالفطر 3مئی کو ہونے کا امکان ہے۔
ذرائع کا کہنا ہے کہ نئے چاند کی پیدائش کا وقت آج دن 11 بجکر 24منٹ تھا، ملک کے کئی علاقوں میں چاند آسانی سے دیکھا جا سکے گا اور آج شام چاند کی عمر31 گھنٹے سے بھی زائد ہو چکی ہوگی۔
خیال رہے چیئرمین رویت ہلال کمیٹی مولانا سید عبد الخبیر آزاد کی صدارت میں مرکزی رویت ہلال کمیٹی کا اجلاس آج چارسدہ روڈ پشاور پر قائم محکمہ اوقات کے دفتر میں ہوگا۔
چیئرمین مولانا سید عبدالخبیر آزاد نے اپیل کی ہے کہ عوام الناس اور ادارے چاند کی رویت کی اطلاع مقامی انتظامیہ،زونل کمیٹی کودیں۔
شہادتوں کے بعد چیئرمین مولانا سید عبدالخبیر آزاد چاند نظر آنے یا نہ آنے کا باضابطہ اعلان کریں گے۔