site
stats
پاکستان

عید میں بڑی قربانیاں شروع ہوں گی، منظور وسان

کراچی: پیپلزپارٹی کے رہنما منظور وسان نے کہا ہے کہ عید قربان پر چھوٹی نہیں بڑی قربانی ہوگی ، نواز شریف کو وزیر اعظم رہنے میں بہت پریشانیاں آئیں گی۔

سندھ اسمبلی کے باہر میڈیا سے گفتگو کرتے ہوئے منظور وسان نے کہا کہ عید میں بڑی قربانیاں شروع ہوں گی۔ موسم تو ٹھنڈا ہے پر سیاسی موسم گرم رہے گا۔ 24 جولائی سے 15 اگست کے درمیان اہم فیصلے ہوں گے۔

پی پی رہنما نے کہا کہ احتساب کا جو سلسلہ چل پڑا ہے وہ سیاستدانوں تک محدود نہیں رہے گا، اس میں سب آئیں گے، اینٹی کرپشن اب آنٹی نہیں ہوگی اصل اینٹی ہوگی۔

منظور وسان نے چوہدری نثار کی کمر درد پر گفتگو کرتے ہوئے کہا چوہدری صاحب کی کمر کا درد کبھی بڑھتا جائے گا تو کبھی کم ہوگا،  چوہدری نثارکے کمر کا درد  شہباز شریف کے وزیر اعظم بننے کے لیے ہے،  بہت سے لوگ اسپتال جائیں گے۔

انکا کہنا تھا کہ نوازشریف کی تکلیف میں اضافے کا احساس ہے ، معاملہ نوازشریف تک محدود سمجھنا بھول ہے، معاملات اور لوگوں تک بھی جائیں گے۔

پیپلزپارٹی کے رہنما نے مزید کہا کہ جمہوریت ڈی ریل نہیں ہونی چاہئے اگر جمہوریت ڈی ریل ہوگی تو پھر الیکشن جلدی نہیں ہوں گے۔ پاکستان میں جمہوری نظام ہی ترقی کر سکتا ہے۔


مزید پڑھیں : جولائی تک میاں نواز شریف وزیراعظم نہیں رہیں گے، منظور وسان


یاد رہے اس سے قبل صوبائی وزیر منظور وسان نے بڑی پیش گوئی کرتے ہوئے کہا تھا کہ جولائی تک میاں نواز شریف وزیر اعظم نہیں رہیں گے، نواز شریف کا کاونٹ ڈاوٴن شروع ہوگیا ہے، نواز شریف خود  استعفی دینگے اور دوسرا وزیر اعظم  آئے گا، حالات کو دیکھتے ہوئے آہستہ آہستہ فیصلے آئیں گے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top