The news is by your side.

Advertisement

بورے والا میں خوفناک ٹریفک حادثہ، خواتین اور بچوں سمیت 8 افراد جاں بحق

بورے والا: لڈن روڈ پر ٹرک اور کار کے خوفناک تصادم میں خواتین اور بچوں سمیت آٹھ افراد جاں بحق ہوگئے، تا حال مرنے والے افراد کی شناخت نہیں ہوسکی۔

تفصیلات کے مطابق پنجاب کے علاقے بورے والا کے قریب ٹرک اور کار میں تصادم نے 8 افراد کی جان لے لی ، ریسکیو حکام کا کہنا ہے کہ کار میں سوار خاندان لڈن سے بورے والا آرہا تھا کہ کار ٹرک کے نیچے گھس کر بری طرح پچک گئی، جس کے باعث ریسکیو ٹیموں نے باڈی کاٹ کر لاشوں کو کار سے نکالا۔

حادثہ کی اطلاع ملتے ہی اسسٹنٹ کمشنر بورے والا بھی موقع پر پہنچ گئے اور اپنی نگرانی میں ریسکو آپریشن مکمل کروایا تا حال مرنے والے افراد کی شناخت نہیں ہوسکی ، جاں بحق افراد میں خواتین اور بچے بھی شامل ہیں۔

ریسکیو ٹیموں نے لاشوں کو ضابطہ کارروائی کیلئے تحصیل ہیڈکوارٹر اسپتال منتقل کردیا گیا ہے۔

وزیر اعلیٰ پنجاب سردار عثمان بزدار نے بورے والا کے قریب ٹریفک حادثے میں قیمتی انسانی جانو ں کے ضیاع پر دکھ اور افسوس کا اظہار کرتے ہوئے جاں بحق افراد کے لواحقین سے دلی ہمدردی و اظہار تعزیت کیا اور حادثے کے بارے میں انتظامیہ سے رپورٹ طلب کر لی ہے۔

Comments

یہ بھی پڑھیں